28 September, 2020

Blog

පිකාසෝ සොහොයුරන්

තුෂාර වන්නිආරච්චි –

තුෂාර වන්නිආරච්චි

මෙම සති අන්තයේ සියලුම ජාතික පුවත් පත් වල මහින්ද රාජපක්ෂ පවුලේ හා ජනාධිපති තුමාගේ හමුවක් ගැන තොරතුරු පලවී තිබේ. එයට අනුව එම හමුව සිදු වී තිබෙන්නේ ගිය සතියේ බදදා දිනයේදී බත්තරමුල්ල එස්බි ට අයත් නිවසේදීය. දින හතරකට පසු එම තොරතුර සති අග පත්තර වලට එකම දැක්මකින් එක් වීමට එම පාර්ශ්වයන්ගෙන් එක් පාර්ශවයක් ඉතා හොදින් සැලසුම් සහගතව ලබා දිය යුතුය. ලැබෙමින් පවතින තොරතුරු අනුව රාජපක්ෂ පාර්ශ්වයෙන් මෙම තොරතුරු මාධ්‍ය අතට පත් වී තිබේ. මේ වනතෙක් එම තත්වයට ජනාධිපති තුමාගේ ප්‍රතිචාරය ලැබී නොමැති මුත් රාජපක්ෂ වරු එම තොරතුරු හෙළි වීම පිළිබඳව සතුටින් සිටි.

සති අග පුවත් පත්වල හා මාධ්‍යයේ ප්‍රචාරය වූ තොරතුරු අනුව මෙම දෙපාර්ශවය ඔවුන්ගේ ආණ්ඩුවක් ගොඩ නැගීමේ කටයුතු සැලසුම් කරමින් සිටි. ඒවායේ සත්‍ය  අසත්‍ය බව කෙසේ වෙතත් ආණ්ඩු ක්‍රමයේ 19 වැනි සංශෝදනයේ ප්‍රතිපාදන වලට අනුව විශ්වාස බංගයකින් මෙපිට අගමැතිවරයා ප්‍රමුඛ ආණ්ඩුව ගෙදර යැවිය නොහැක්කේය. නමුත් යම් දේශපාලන ක්‍රියාදාමයක් ආරම්බ වී ඇති බව බැලූ බැල්මට පෙනේ.

මෙහිදී ජනාධිපති තුමා විසින් 2020 න් පසු  දේශපාලනිකව පැවතීම පිළිබදව තදින් සලකා බලන අතර රාජපක්ෂ වරු බලය ලබා ගැනීමට හෝ එය නිශ්චිත කර ගැනීමට උත්සහ කරනු ලබයි.

එක්සත් ජාතික පක්ෂය ඔවුන්ගේ අපේක්ෂකයෙකු ඉදිරිපත් කිරීමට තීරණය කොට ඇති වට පිටාවක ජනාධිපති තුමාට එම පිලෙන් අවසථාවක් ලැබෙනු ඇතැයි සිතිය නොහැක. එබැවින් එතුමා විකල්ප සලකා බැලීම අන්තිම සාදාරණ බව මගේ හැගීමයි. 

අනෙක් අතින් රාජපක්ෂ වරු මුහුණ දෙමින් සිටින අර්බුද කාරී කාලයෙන් මිදීම උදෙසා නව දේශපාලන ක්‍රියාකාරකම් තෝරා ගැනීම විය යුක්තක්ම වේ. මෙම පාර්ශ්වයන් දෙකෙහිම පොදු සතුරා වන්නේ එක්සත් ජාතික පක්ෂයයි. ආණ්ඩු බලය හොබවිම, එම නිසාම පක්ෂ අභ්‍යන්තරයේ ඉහල ගිය නොසන්සුන්කම, රටේ ආර්ථිකයේ තත්වය, ණය බර වැනි කරනා මගින් එක්සත් ජාතික පක්ෂයට  තම උපාය උපක්‍රම තේරීමට සිදුව තිබේ.

අනෙකුත් ඕනෑම සමාජ  ක්‍රියාවලියකට වඩා දේශපාලනයේ ඇති විශේෂත්වය වන්නේ එහි බොහෝ කාලයක් කටයුතු කල යුත්තේ මිතුරන් සමග නොව සතුරන් සමගය. සතුරන් සමග කටයුතු කිරීමේ කලාව හොදින් ප්‍රගුණ කල ඇත්තෝ දක්ෂ දේශපාලන නායකයෝ වෙති. එම අර්ථයෙන් ගත් කල මහින්ද, බැසිල් මෙන්ම රනිල්ද එහි කෙල පැමිණියෝය. තම හැගීම් සගවා ගනිමින් සතුරන් සමග කටයුතු කිරීමට එම තිදෙනා හොදින් ප්‍රගුණ කොට තිබේ. නමුත් ජනාධිපති තුමා කෙසේදැයි දන ගැනීමට තවමත් කල්  වැඩිය .

සතුරන් සමග දේශපාලන ගනුදෙනු කිරීම කලාවක් නම්  මහින්ද, රනිල් හා බැසිල් එහි තුන් නිවුන් පිකාසෝ සොහොයුරන්ය. 2020 මැතිවරණය යනු පවතින ආණ්ඩුවට තවත් වසර පහකට ජනවරමක් ඉල්ලා සිටින මැතිවරණයක් මිස ආණ්ඩු මාරු කරන මැතිවරණයක් නොවේ. සාමාන්‍යයෙන් ඕනෑම ප්‍රඡාතන්ත්‍ර වැඩි සමාජයක බලටයට පත් වන ආණ්ඩුවකට වාර දෙකකක් නැතිනම් දස වසරක් ජනවරමක් ලබා දීම සමාන්‍ය තත්වය. නමුත් ඉඳ හිට එක් වරකින් පරාජයට පත් වී ගෙදර යන අවස්ථාවන්ද නැතුවා නොවේ. ලංකාවේ එවැනි තත්වයක් ඇති වීමට නැතිනම් ආණ්ඩුවක් ගෙදර යැවීමට සමාජ දේශපාලන ආර්ථික ක්‍රියාකාරකම් වල දුර්වලතා හෝ දක්ෂතා පමණක්  ප්‍රමාණවත් නොවේ. මන්ද ලංකාවේ එම ප්‍රපම්න්චයන් කවදත් හොදින් තිබුනේ නැතිය.

එමනිසා 2020 දී අවශේෂ දේශපාලන කරනා සමග දක්ෂ දේශපාලන ගනුදෙනු වල දිග පලලද මේ ආණ්ඩුව ගෙදර යැවිය යුතුනම් යොදා ගත යුතු වෙයි. එවැනි ගනු දෙනු වල පිකාසෝ වරු තිදෙනෙකු එකට හමු වන තැනක් ලෙස 2020 ජනාධිපති වරණය ගත හැකිය. අනෙක් සියල්ලෝ ඔවුන්ගේ දක්ෂ අදක්ෂ බව මත තම ඉරණම තීන්දු කරන්නෝ වෙති.

ඒ කෙසේ වෙතත් ශ්‍රී ලංකා නිදහස් පක්ෂය සමග එක්ව යහපාලන ආණ්ඩුව පෙරලා නව රජයක් පිහිටුවීමට සාකච්ඡා පවත්වමින් තිබෙන බව ආණ්ඩුව අත්හැර ගිය පහළොස් දෙනාගේ කණ්ඩායමේ ප්‍රබලයෙකු මේ ලියුම් කරු හා පැවසිය. ඒ සදහා ජනාධිපතිවරයාගේ සහයෝගය ලබා ගැනීමට සැලසුම් කොට ඇති බවද ප්‍රකාශ කළේය.

ඒ වෙනුවෙන් ඇති ක්‍රියාවලියට මහින්ද රාජපක්ෂගේ කැමැත්ත ප්‍රකාශ වී ඇති බවද ප්‍රකාශ කල අතර බැසිල්ගේ මතය තාමත් අවිනිශ්චිත බව කිවේය.

මගේ පහුද්ගලික තක්සේරුව වන්නේ ජනාධිපති තුමාට හා ශ්‍රී ලංකා නිදහස් පක්ෂයට හොදම තොර ගැනීම වන්නේ එක්සත් ජාතික පක්ෂය ප්‍රමුඛ යහපාලන ආණ්ඩුව පෙරලා දම පොහොට්ටු පක්ෂය හා නව ආණ්ඩුවක් ගොඩ නැගීමයි. 

එහිදී බැසිල් රාජපක්ෂගේ මතය මෙම සති අන්තයේ පුවත් පත් වලට දී තිබේ.එනම් බැසිල් රාජපක්ෂට අනුව අපේ පක්ෂය අම්බලමක් නොවේ (ජිවිතේ අවුල් කරගත්වුන් ලගින ) සහ ආණ්ඩුව උපාය උපක්‍රම වලින් පෙරලිය  හැක නමුත් ආණ්ඩුවක් පිහිටු වීමට ජන වරමක් අවශ්‍යයි කියා බැසිල් කියයි .එක්සත් ජාතික පක්ෂය බිය විය යුතුය. බැසිල් දේශපාලනිකව පෙර නොවූ විරු ලෙස පරිනත හා උගත් වී ඇත.

Print Friendly, PDF & Email

No comments

Sorry, the comment form is closed at this time.

Leave A Comment

Comments should not exceed 200 words. Embedding external links and writing in capital letters are discouraged. Commenting is automatically disabled after 7 days and approval may take up to 24 hours. Please read our Comments Policy for further details. Your email address will not be published.