27 September, 2020

Blog

සුදුසුකම් සපිරූ වෛද්‍ය පරිපාලකයෙක් ජ’පුරට පත් කරන්න: ශ්‍රී ලංකා විශේෂඥ වෛද්‍යවරුන්ගේ සංගමය රාජිතට කියයි

චින්තිකා ද සිල්වා

ශ්‍රී ලංකා විශේෂඥ වෛද්‍යවරුන්ගේ සංගමය සෞඛ්‍ය  අමාත්‍ය රාජිත සේනාරත්න වෙත 18.10.2018 දින ලිපියක් යොමු කරමින් ශ්‍රී ජයවර්ධනපුර රෝහලේ ව්‍යාජ අධ්‍යක්ෂ වෛද්‍ය සුසිත සේනාරත්න වෙත එල්ලවී ඇති බරපතල චෝදනා විභාග කරන ලෙසටත්, එම රෝහලට සුදුසුකම් සපිරූ වෛද්‍ය පරිපාලකයෙක් පත් කරන ලෙසටත් දැනුම් දී ඇත. 

ශ්‍රී ලංකා විශේෂඥ වෛද්‍යවරුන්ගේ සංගමයේ ලේකම් විශේෂඥ වෛද්‍ය ආර්. පී. දයාසේන මෙම ලිපියෙහි විශේෂයෙන්ම දක්වා ඇත්තේ පශ්චාත් වෛද්‍ය උපාධි පුහුණු ආයතනයක් වන ශ්‍රී ජයවර්ධනපුර මහා රෝහල පාලනය කළ යුත්තේ තෘතීය රෝහලක් පාලනයට සුදුසු අධ්‍යක්ෂකවරයකු විසින් බවය. 

පශ්චාත් වෛද්‍ය උපාධි පුහුණු ආයතයේ අධ්‍යක්ෂක දූෂිතයන් හා එක් වීම

පශ්චාත් වෛද්‍ය උපාධි  පුහුණ ආයතනයේ අධ්‍යක්ෂ මහාචාර්ය ජනක ද සිල්වා ජ’පුර රෝහල් පනතට අනුව එහි අධ්‍යක්ෂක මණ්ඩලයට නිල බලයෙන් පත්ව සිටියි. පශ්චාත් වෛද්‍ය උපාධි පුහුණුවේ ගුණාත්මකභාවය රෝහල තුළ තහවුරු කිරීම ඔහුගේ වගකීම වුවද ඔහු සිදු කර ඇත්තේ දේශපාලන ගැත්තෙකු වන සුසිත සේනාරත්න රැකීමේ මෙහෙයුමට සභාපති අතුල කහඳලියනගේ සමග එක් වීමය. අධිකරණ නියෝගයකින් සහ පාර්ලිමේන්තු කෝප් විධානයකින් මෙම සුදුසුකම් රහිත ව්‍යාජ අධ්‍යක්ෂ ඉවත් කර නිසි අධ්‍යක්ෂකවරයුකු පත් කර ගැනීමට විධානය කර තිබියදී මොහු ජනක ද සිල්වා සිදු කර ඇති ප්‍රධාන කාර්යය මෙම දේශපාලන හෙන්චය්යන් දෙදෙනාව ආරක්ෂා කිරීමය. 

චෝදනා විමර්ශනය කරන්න”

ශ්‍රී ලංකා විශේෂඥ වෛද්‍යවරුන්ගේ සංගමය සිය ලිපියෙන් ඉල්ලා සිටින්නේ ජ’පුර ව්‍යාජ අධ්‍යක්ෂකවරයා විසින් එම සංගමයේ සාමාජිකයින් හිංසනයට ලක් කිරීම පිළිබඳව ඇති චෝදනා විමර්ශනයට ලක් කරන ලෙසය. දින කිහිපයකට ප්‍රථම  සුසිත සේනාරත්න විසින් ශ්‍රී ජයවර්ධනපුර මහා රෝහලෙහි ප්‍රතිකාර ලබන කුඩා දරුවන්ගේ ජීවිතය අනතුරෙහි බව දක්වමින් නීති විරෝධී සහ සදාචාර විරෝධී ෆේස්බුක් සටහනක් තබමින් රෝහලේ ළමා රෝග විශේෂඥ වෛද්‍යවරයාය ඌරෙකු ලෙස හඳුන්වා දී තිබුණි .

2018.10.22 වන දින ජ’පුර රෝහලේ විශේෂඥ වෛද්‍යවරුන් බහුතරයක් විසින් සෞඛ්‍ය අමාත්‍යවරයා වෙත ලිපියක් නිකුත් කරමින් පවසා ඇත්තේ දැනට විසිරුවා ඇති ශ්‍රී ජයවර්ධනපුර මහා රෝහලේ අධ්‍යක්ෂක මණ්ඩලයට අතුල කහඳලියන්ගේ හෝ සුසිත සේනාරත්න යන අයවලුන්  කවර තනතුරකට හෝ පත් කිරීමට තමා දැඩි විරෝධය දක්වන බවයි. තවද මෙම දූෂිතයන් දෙදෙනා කෙරෙහි විශ්වාසය භංග වී ඇති බවද ඔවුන් විසින් එම ලිපියෙහි දක්වා තිබේ. 

මීළඟට පත් වන අධ්‍යක්ෂක මණ්ඩලයට, ටෙන්ඩර් අක්‍රමිකතා, සිය දරුවන්ට අක්‍රමික උපකාර ලබා ගැනීම, සැපයුම් කරුවන්ගෙන් අයථා ලෙස ශල්‍ය උපකරණ සහ සැරහුම් ගෙන ඒම, රාජකාරියට වාර්තා නොකිරීම වැනි දූෂණයන්ගේ නිරත වන විශේෂඥ වෛද්‍යවරුන් තිදෙනෙක් රිංගවීමට කහඳලියනගේ සහ සුසිත සේනාරත්න විසින් ගත් උත්සාහය විශේෂඥ වෛද්‍යවරුන් බහුතරයකගේ ප්‍රතිරෝධය මත පසුගියදා ව්‍යර්ථ විය.

Print Friendly, PDF & Email

Latest comment

  • 0
    0

    Why everythibg has to be carried out by a politician. Sri lanka is over politicized and that won’t stop. Rajitha Senarathne says, I know how to earn a buck while I am working.

Leave A Comment

Comments should not exceed 200 words. Embedding external links and writing in capital letters are discouraged. Commenting is automatically disabled after 7 days and approval may take up to 24 hours. Please read our Comments Policy for further details. Your email address will not be published.