මහින්ද රාජපක්‍ෂ
මගේ පාලන කාලය තුළ අපේ පක්ෂ ඉතිහාසයේ ශක්තිමත්ම ශ්රී ලංකා නිදහස් පක්ෂ ආණ්ඩුව ගොඩ නැගීමට හැකිවීම ගැන මම නිහතමානීව ආඩම්බර වෙමි. ඒ ආණ්ඩුව කොතරම් ශක්තිමත්වීද කියතොත් එය පරාජය කිරීමට හැකි වූයේ කුමන්ත්‍රණකාරී ලෙස ශ්රී ලංකා නිදහස් පක්‍ෂෙය්ම කොටසක් එජාපය සමඟ එකතු වී මගේ ආණ්ඩුවට එරෙහිව බොරු ප්‍රචාර හා පෙර නොවූ විරෑ ආකාරයේ අවලාද ව්‍යාපාරයක් ගෙන යෑම තුළින් පමණි. ඇතුලතින් ලැබූ ඒ උදව් උපකාර නොමැතිව එක්සත් ජාතික පක්ෂයට මා ගොඩනැගූ ශ්රී ලංකා නිදහස් පක්ෂ ආණ්ඩුව පරාජය කිරීමට නොහැකි විය. මගේ ආණ්ඩුව ජරාජය වූ පසුත් රටේ ජනාධිපතිවරයාව සිටින්නේ ශ්රී ලංකා නිදහස් පක්ෂයේ වත්මන් සභාපතිවරයාය. කැබිනට් මණ්ඩලයේ තනතුරුද එක්සත් ජාතික පක්‍ෂයත්, ශ්රී ලංකා නිදහස් පක්‍ෂයත් අතර බෙදී ඇත. එසේ වුවත් වත්මන් ආණ්ඩුවේ ප්‍රතිපත්තිය සම්පූර්ණයෙන්ම තීරණය කරන්නේ එක්සත් ජාතික පක්‍ෂයයි. ශ්රී ලංකා නිදහස් පක්ෂය මෙලෙස එක්සත් ජාතික පක්ෂයේ සිරකරුවෙකු බවට පත් වීම හේතුවෙන් අපේ පක්ෂයේ අනන්‍යතාවය නැතිවීමේ අවදානමක් දැන් පැනනැගී ඇත.
පොහොර සහනාධාරය අවලංගු කිරීමට එරෙහිව ගොවීන්ගේ උද්ගෝෂණ අද දිනපතාම දකින්නට ලැබේ. පොහොර මල්ලක මිල රුපියල් 2,500 ට සීමා කිරීමට ජනාධිපතිවරයා දී තිබෙන උපදෙස් පරිප්පු හා කරවල වලට පාලන මිලක් නියම කිරීම වැනිය. ශ්රී ලංකා නිදහස් පක්ෂ ආණ්ඩුවක් තිබුණේ නම් මොනම තත්වයක් යටතේවත් පොහොර සහනාධාරය අවලංගු කිරීමට ඉඩතබන්නේ නැත. නමුත් අද එජාපය මේ නිශ්පාදන සහනාධාරය අවලංගු කරන විට ආණ්ඩුවේ සිටින ශ්රී ලංකා නිදහස් පක්ෂ සාමාජිකයන්ටත් එයට අත එසවීමට සිදු විය.
ඉන්දියාව සමඟ අත්සන් කිරීමට යෝජනා කර තිබෙන ආර්ථික හා තාක්‍ෂණික සහයෝගිතා ගිවිසුමට එරෙහිව ලංකාවේ සමස්ථ වෘත්තීයවේදී ප්‍රජාවම අරගලයක් ආරම්භ කර තිබේ. මොන විරෝධය ආවත් මේ ගිවිසුම අත්සන් කරන බව එක්සත් ජාතික පක්ෂ අගමැතිවරයා කියයි. අපේ ආණ්ඩු කාලය තුළදීද ඉන්දියාව මහත් උනන්දුවක් දැක්වූ සීපා ගිවිසුම ගැන සාකච්ඡා වෙමින් පැවති අතර, එයට ජනතාව අතරින් නැගී ආ විරෝධය සැලකිල්ලට ගෙන අපි එම ගිවිසුමට අත්සන් කිරීමෙන් වැලකී සිටියෙමු. නමුත් අද ආණ්ඩුවේ සිටින ශ්රී ලංකා නිදහස් පක්ෂ සාමාජිකයන්ට එක්සත් ජාතික පක්ෂය අත්තනෝමතික ලෙස ඇති කර ගැනීමට යන මේ ගිවිසුමට සම්මාදම් වීමට සිදු වී තිබේ.
ලංකාවට එරෙහිව ඇමරිකාව ගෙන ආ එක්සත් ජාතීන්ගේ මානව හිමිකම් කවුන්සිලයේ යෝජනාව පිළිගෙන එක්සත් ජතික පක්ෂ ආණ්ඩුව විසින් එය ලංකාවේම යෝජනාවක් හැටියට සම්මත කරගන්නා විටත් ශ්රී ලංකා නිදහස් පක්ෂ මන්ත්‍රීවරුන්ට නිහඩව බලා සිටීමට සිදු විය. මේ යෝජනාවෙන් අපේ රටත් රණවිරුවනුත් පාවා දෙමින් විදේශීය විනිශ්චයකාරවරුන්, පරිචෝදකයන් හා විමර්ශන නිලධාරීන්ගේ සහභාගීත්වය ඇතුව ලංකාවේ යුද අපරාධ අධිකරණයක් ඇති කිරීමට එකඟතාවය පලකොට තිබේ. යුද්ධය ජයගනු ලැබුවේ මා විසින් නායකත්වය දුන් ශ්රී ලංකා නිදහස් පක්ෂ ආණ්ඩුවකි. එක්සත් ජාතික පක්ෂය මේ කරන්නේ ශ්රී ලංකා නිදහස් පක්‍ෂයේම කොටසකගේ උදව් ඇතුව යුද්ධය දිනූ පාර්ශවයෙන් පළිගැනීමයි.
2016 අයවැය තුළ කිසිදු ශ්රී ලංකා නිදහස් පක්ෂ ලක්‍ෂණයක් නොතිබුණු අතර එය සහමුලින්ම එක්සත් ජාතික පක්ෂයේ නව ලිබරල්වාදී ආර්ථික ප්‍රවේශය මත පදනම් වූ අයවැයක් විය. නොරොච්චෝලේ බලාගාරය, සියළුම වරායන් හා ගුවන්තොටුපලවල මෙහෙයුම් කටයුතුද ඇතුලුව රජයට අයත් සියළු ව්‍යාපාර පුද්ගලීකරණය කිරීමට එහි යෝජනා කර තිබුණි. එමෙන්ම රජයේ විශ්‍රාම වැටුපත්, පෙහොර සහනාධාරයත්, පාසැල් නිල ඇඳුම් ව්‍යාපෘතියත් අහෝසි කර දැමීමට එහි යෝජනා විය. ආණ්ඩුව තුළ සිටින ශ්රී ලංකා නිදහස් පක්ෂ සමාජිකයන්ට එවන් අයවැයකටත් පක්‍ෂව ඡන්දය ප්‍රකාශ කිරීමට සිදුවිය.
මේ යටත්වීමට එරෙහිව ශ්රී ලංකා නිදහස් පක්ෂයේ අනන්‍යතාවය රැකගැනීමට උත්සාහ දරණ අප පක්ෂයේ දේශපාලඥයින්ට විවිධ පීඩනයන්ට මුහුණ දීමට සිදුවී තිබේ. ශ්රී ලංකා නිදහස් පක්ෂයේ සිටි මැතිවරණ කොටඨාශ සංවිධායකවරුන් වූ ප්‍රසන්න රණතුංග, දිලුම් අමුණුගම, කාන්ති කොඩිකාර, දුමින්ද සිල්වා, ධනසිරි අමරතුංග, සෙනරත් ජයසුන්දර අතුළු පිරිසකගේ ආසන සංවිධායක කම් වෙනත් අයට ලබා දී තිබේ. මේ පිරිස අතර සිටින පාර්ලිමේන්තු මන්ත්‍රීවරුන් වන ප්‍රසන්න රණතුංග හා දිලුම් අමුණුගම යන මන්ත්‍රීවරුන්, විපක්‍ෂයේ හිදිමින් පාර්ලිමේන්තුවේත්, ඉන් පිටතත්, ශ්රී ලංකා නිදහස් පක්ෂයේ අනන්‍යතාවය රැකීමට විශාල කාර්ය්‍යභාරයක් ඉටුකර තිබේ. එවන් පාර්ලිමේන්තු මන්ත්‍රීවරුන් මෙලෙස ආසන සංවිධායක කම්වලින් ඉවත් කිරීමෙන් පක්ෂ නායකත්වය ඉටු කරන්නේ කාගේ උවමනාවදැයි සියළුම පාක්‍ෂිකයන් කල්පනා කර බැලිය යුතුය.
තමන් සමඟ ආණ්ඩු විරෝධී, එක්සත් ජාතික පක්ෂ විරෝධී ප්‍රතිපත්තියක් මත එකට පාර්ලිමේන්තුවට පත් වී විපක්‍ෂයේ සිටින ශ්රී ලංකා නිදහස් පක්ෂ මන්ත්‍රීවරුන් හොරුන් හා මිනීමරුවන් හැටියට හංවඩුගසා පොලිස් විමර්ශන ඒකක, විවිධ කොමිසම් හා උසාවිගානේ ඇදගෙන යාමත් නිහඩව ලබා සිටීමට ආණ්ඩුවේ සිටින ශ්රී ලංකා නිදහස් පක්ෂ සාමාජිකයන්ට සිදු වී තිබේ.මෙය එක්සත් ජාතික පක්ෂය විසින් ශ්රී ලංකා නිදහස් පක්ෂය සහමුලින්ම විනාශ කිරීමට ගෙන යන කුමන්ත්‍රණයක් බවට ඉතා පැහැදිලිය. ආණ්ඩුව තුළ සිටින සියළුම ශ්රී ලංකා නිදහස් පක්ෂ මන්ත්‍රීවරුන් තමන්ට වඩාත් වැදගත් වන්නේ එක්සත් ජාතික පක්ෂ ප්‍රමුඛ ආණ්ඩුවද නැතිනම් තමා ආණ්ඩු විරෝධී, එක්සත් ජාතික පක්ෂ විරෝධී පදනමක් මත ජනතා නියෝජිතයින් හැටියට පාර්ලිමේන්තුවට පත්කර යැවු ශ්රී ලංකා නිදහස් පක්ෂ ඡන්දදායකයන්ද යන්න තීන්දු කළයුතු කාලය දැන් එළඹ තිබේ.
මෛත්‍රීපාල සිරිසේන ජනාධිපතිවරයා ශ්රී ලංකා නිදහස් පක්ෂ නායකත්වය භාරගැනීමේ දී බොහෝ පාක්‍ෂිකයින් බලාපොරොත්තු වූයේ එක්සත් ජාතික පක්ෂ ඡන්දවලින් ජනාධිපති වූවත්, පක්ෂ නායතක්වය භාර ගැනීමෙන් පසු පාක්‍ෂිකයනුත්, පක්ෂයේ ප්‍රතිපත්තියත්, අනන්‍යතාවයත් රකිනු ඇති බවයි. නමුත් එවැන්නක් සිදුවන බවක් පෙනෙන්නට නොතිබීම ගැන අපි කණගාටු වෙමු.
සිල්වා / March 1, 2016
ඔබතුමා ඉතිහාසයේ ශක්තිමත්ම ශ්රී ලංකා නිදහස් පක්ෂ ආණ්ඩුව ගොඩ නැගුව බව සැබැවි. හැබැයි එසේ කලේ එජාපයේ කොටස් බිලිබා ගනිමින් විනා ජනමතයෙන්ම පමණක් නොවේ. ඔබ පරාද වුයේ කුමන්ත්රණ සහ අවලාද නිසා නොව ඔබ සහ ඔබගේ සහචරයින්ගේ ක්රියාකලාපය නිසාය. එජාපය බලයට පත්වන්ගේ ඔවුන්ගේ විශේෂ හැකියාවකට නොව ජනතාවට වෙනත් විකල්පයක් නැති කමනි. මෙතැනදී තාමත් ඔබ වටහා නොගන්නේ ඔබව ගෙදර යැව්වේ කුමන්ත්රණ කාරීන් නොව මේ රටේ ජනතාව බවයි. ඇත්තෙන්ම පසුගිය මහා මැති වරණයෙන් වැඩිම ආසන ප්රමාණයක් හිමිකර ගත්තේ එජාපයයි. එමනිසා ආණ්ඩුවේ ප්රතිපත්ති තීරණය කිරීමේ අයිතියක් ඔවුන්ට ඇතැයි සිතමි. ජනතාව එජාපයට ආණ්ඩු බලය දුන්නේ ශ්රීු ලංකා නිදහස් පක්ෂක ප්රීතිපත්ති ක්රි්යාත්මක කිරීමට නොවේ. ශ්රී ලංකා නිදහස් පක්ෂය ආණ්ඩුවේ සිර කරුවෙකු වන්නේ එජාපයේ ක්රියාකලාපයට වඩා ආණ්ඩුවට එකතුවී සිටින ශ්රී ලංකා නිදහස් පක්ෂප මැති ඇමතිවරුන්ගේ ක්රියාකලාපය නිසාය. රටට හෝ පක්ෂයට වැඩක් නොකර හඩක් නොනගා ඔවුන් වරප්රසාද වෙනුවෙන් නිහඩව සිටිති. එසේ බලය වෙනුවෙන් දෙන දෙයක් කා වෙනදෙයක් බලාගෙන සිටීමේ සංස්කෘතියක් ආරම්භ කිරීමේ පුරෝගාමියා ඔබතුමාමය.
ඔබතුමා 2005 බලයට පත්වී පොහොර මිටිය රු 350 දීම ඉතාම වටී. නමුත් එතැන්සිට ගෙවුන දස වසර තුල ගොවි ජනතාව වෙනුවෙන් සිදුවූ මෙහෙය අල්පය. ගෙවුන ආණ්ඩු කාලයේ ණය ගෙවා ගත නොහැකි වූ ගොවින් සියදිවි නසා ගත් අවස්ථා අප දුටුවෙමු.
තවමත් කෙටුම්පත් කර නැති ගිවිසුමක් සම්බන්ධයෙන් විරෝධය දැක්වීම ප්රෙවහෙලිකාවකි. කෙසේ වෙතත් කෘතහස්ත දේශපාලකයෙක් වශයෙන් විරෝධය පමණක් නොපා මෙවැනි ගිවිසුමක හොඳ නරක ජනතාවට කියාදිය හැකිනම් වැටී.
ඔබතුමා දැන්වත් මම තමයි යුද්දේ දිනුවේ කියන මානසිකත්වයෙන් මිදිය යුතුය. මන්ද ඔබතුමා 2005 බලයට පැමිණියේ යුද්ධය ජයග්රහණය කරන පොරොන්දුවක් සමඟින් නොවේ. 2005 මහින්ද චින්තනය ඔබතුමා ලග තියෙනවානම් බලන්න එහි සඳහන් වෙන්නේ ගෞරවණිය සාමයක් උදාකරණ බවයි. මාවිල්ආරු සොරොව්ව වැසීමත් සමග ජාතිමාමක බලවේග යුද්ධය හැර වෙන විසදුමක් නැති බවට ජනමතයක් ගොඩ නැගිය. එම මතය වටා ඔළුගෙඩි ගණන වැඩි වෙනකොට ඔබතුමා යුද්ධය ඔබේම පමණක් කරගත්තේය. කෙසේ වෙතත් යුද්ධය වෙනුවෙන් ඔබතුමා ලබාදුන් දේශපාලන නායකත්වය අපමණ වටී. ඔබතුමාගේ විදේශ ප්රොතිපත්තිය නිසා ජාත්යන්තරයේ හුදකලා වෙමින් තිබු රටට පිළිගැනීමක් ඇති කිරීමට වත්මන් ආණ්ඩුව යම් තරමකට සමත්ය. අප වැනි කුඩා රටකට ජාත්යන්තරයට එරෙහිව යා හැකි දුර කෙටිය. ඕනෑම යුද්ධයක් අවසන ස්ථිරසාර සාමයක් පවත්වාගෙන යෑමට නම් වින්දිතයින් සොයා බලා නිසි කිරියාමාර්ග ගැනීම අත්යාවශය. ඔබ අතින් නොකෙරුනේ එයයි. එසේකිරීම සඳහා ඔබතුමා විසින්ම පත්කරන ලද උගත් පාඩම් කොමිෂන් සභාවේ නිර්දේශ ක්රියාත්මක කිරීම කල්මැරීමෙන් මානව හිමිකම් කවුන්සිලය සහ ජාත්යරන්තරය ඉදිරියේ අප හුදකලා විය. විශේෂයෙන්ම යුද්ධයෙන් පසු රටේ මානව හිමිකම් කඩවීම මේ තත්වයට තදින්ම බලපෑවේය.
රටේ ජනතාව එජාපයට බලය දුන්නේ ඔවුන්ගේ ආර්ථික ප්රිතිපත්ති ක්රියයාත්මක කිරීමටය. එය අප රටට ගැලපේද නොගැලපේද යන්න වෙනම කථාවකි. පෞද්ගලීකරණය යනු තව දුරටත් බිල්ලෙකු නොවන බව අපේ රටේ ආර්ථිකය සහ වෙනත් රටවල ආර්ථිකයන් සසදා බැලීමෙන් තේරුම් ගත හැක. අපේ රටේ රජයට අයත් බොහෝ ආයතන වාර්ෂිකව බිලියන ගනන් පාඩු ලබති. මේවා ජනතාවගේ මුදල්ය. පාඩුව ජනතාවටය. ඉතින් පෞද්ගලීකරණය නොකරා කියා අපට ලැබුන සෙතක් නැත. එමෙන්ම ඔබතුමාගේ බොහෝ අය-වැය වල ශ්රී ලංකා නිදහස් පක්ෂ ලක්ෂණ තිබුනේ නැත. එම අය-වැයන් බොහෝවිට ඔබ තුමා හෝ ඔබතුමාගේ පවුලේ උදවිය හෝ මැතිවරනයක් කේන්ද්රව කරගෙන තැනු ඒවා විය.
පක්ෂයක තනතුරු එම පක්ෂයේ නායකයා සහ මධ්යතම කාරක සභාවට අවශ්යය පරිදි වෙනස් විය යුතුය. ඔබතුමා පක්ෂ නායක වූ පසු තනතුරු බෙදුවේ කලින් සිටි නායිකාවට හෝ පක්ෂයේ ජේෂ්ඨයන්ට අවශ්ය විදියට නොවේය. තනිකරම ඔබතුමාගේ පෞද්ගලික හිතවත්කම් ඕනෑ එපාකම් පදනම් කරගෙනය.
වැරදි කල අයට නඩු පැවරීම දේශපාලන පළිගැනීමක් ලෙස අර්ථදැක්වීම දැන දැනම මහජනයා මුලාවේ දැමීමකි. කෙනෙක් වැරදි කර නැත්නම් අධිකරණයේදී තමන්ගේ නිර්දෝෂී භාවය ඔප්පු කර නිදහස් විය හැකිය. ඔබතුමාගේ කාලයේ මෙන් එක රැයින් නඩු අසා දඩුවම් පැමිණවීමට තරම් මෙම පාලනය කුරිරු නොවීම ගැන ඔබතුමා ස්තුතිවන්ත විය යුතුය.
/