18 September, 2021

Blog

බොදුබල සේනා පසුපස ඇති ආණ්ඩුවේ (නො) පෙනෙන හස්තය

ගාමිණී වියන්ගොඩ

ගාමිණී වියන්ගොඩ

ගාමිණී වියන්ගොඩ

බොදුබල සේනාව, රාවණා බලය සහ සිහළ රාවය වැනි ජාතික සහ ආගමික අන්තවාදී ව්‍යාපාර සියල්ල පසුපස ආණ්ඩුව සිටින බව අද කවුරුත් දනිති. මේ ව්‍යාපාර සමග ආණ්ඩුවේ ඇති සාංගම ගැන සාමාන්‍ය ජනතාව අවබෝධ කරගන්නේ ගැඹුරු දේශපාලනික විවරණ හරහා නොවේ. ඉතා සරළ දෘෂ්‍ය, වාචික සහ අනුභූතික සාක්ෂි ආශ‍්‍රයෙනි. උදාහරණයක් වශයෙන්, බොදුබල සේනාවේ නායකයන් අත්අඩංගුවට නොගැනීම ගැන අසන ප‍්‍රශ්නයට හමුදාපතිවරයා දෙන පිළිතුර ජනතාවගේ ඇස් අරවන සුළු ය. ඔහු කියන්නේ, රටේ කලබල ඇති විය හැකි නිසා එවැනි අන්තවාදී කොටස් අත්අඩංගුවට නොගන්නා බවයි/ මේ උත්තරය මගින්, බොදුබල සේනාවේ සැහැසි ස්වභාවය, පොලීසියේ අකර්මණ්‍ය භාවය සහ ඒ සමග ඇති ආණ්ඩුවේ සාංගම ගැන මනා අවබෝධයක් සාමාන්‍ය ජනයාට ලැබේ.

එම අවබෝධය ව්‍යාකූල කිරීම සඳහා වරින් වර ආණ්ඩුවේ නායකයෝ අතේ පැළවෙන කතා කියති. ‘අළුත්ගම’ පසුපස බටහිර කුමන්ත‍්‍රණයක් ඇති බව එයින් එකකි. එම බටහිර කුමන්ත‍්‍රණය හෙළිදරව් කර ගැනීමට අවශ්‍ය නම්, මුලින්ම ගලගොඩඅත්තේ ඥානසාර නැමැති භික්ෂුව අත්අඩංගුවට ගෙන ප‍්‍රශ්න කළ යුතු නොවේ දැ යි පෙරලා මිනිසුන් අසන බව ඔවුහූ නොදනිති. මේ ‘බටහිර කුමන්ත‍්‍රණය’ පිළිබඳ ආණ්ඩුවේ දෘෂ්ටිවාදය ඔසවා තබන එක් ලේඛකයෙකු එම භික්ෂුවට ඇමරිකාව අවුරුදු පහකට විසා බලපත‍්‍රයක් ද නිකුත් කොට තිබීම ඊට සාක්ෂියක් වශයෙන් මෑතක දී පෙන්වා දී තිබුණි. එසේ තිබියදී, ඊයේ එම වීසා බලපත‍්‍රය ඇමරිකාව අවලංගු කෙළේය. දැන් තත්වය කුමක් ද? අවුරුදු පහකට තමන්ගේ රටට පැමිණීමට ඇමරිකාව දී තිබූ වීසා බලපත‍්‍රය මෙසේ අවලංගු කිරීම, අපේ ජාතික සහ ආගමික අරගලය මොට කිරීමට ගත් ප‍්‍රයත්නයක් යැයි බොදුබල සේනාවේ ප‍්‍රධාන විධායක නිලධාරී ඩිලන්ත විතානගේ දැන් කියයි. අප පිළිගන්නේ කවුරු කියන කතාව ද? බොදුබල සේනා ගිහි නායකයාට අනුව, කලින් වීසා බලපත‍්‍රයක් නිකුත් කොට තිබීම, ලංකාවේ ජාතික සහ ආගමික අරගලයට ඇමරිකාව දුන් අනුග‍්‍රහයක් වශයෙන් සැළකිය යුතුව තිබේ. එහෙත් රජයේ නිල දෘෂ්ටිවාදයේ ප‍්‍රකාශකයන්ට අනුව, මෙවැනි පුද්ගලයෙකුට එවැනි දීර්ඝ කාලයකට වීසා බලපත‍්‍රයක් නිකුත් කොට තිබීමම, බටහිර කුමන්ත‍්‍රණයක එක් අංගයකි.

BBS and Gotaවිදේශ ඇමතිවරයාට අනුව, ‘අළුත්ගම’ වනාහී, දේශීය සහ විදේශීය අරමුණු පෙරදැරි කරගත් ‘එක්තරා ව්‍යාපාරයකි’. ලංකාවේ වෙසෙන මුස්ලිම් ජනතාව ආණ්ඩුව සමග නොහොඳ කිරීමට මාන බැලීම, දේශීය අරමුණ වශයෙන් ඔහු හඳුන්වයි. ඊළඟට, මුස්ලිම් රටවල අප‍්‍රසාදයට ලංකාව පත්කිරීම, මේ ‘ව්‍යාපාරයේ’ විදේශීය අරමුණලූ. ඔහුගේම අමාත්‍යාංශයේ විදේශ තානාපති නිලධාරිනියක් ජාත්‍යන්තර සම්මන්ත‍්‍රණයක දී, ඊට වඩා අනුභූතිකව එය පැහැදිළි කළාය. බෞද්ධ ස්වාමීන් වහන්සේ නමකට මුස්ලිම් තරුණයන් කිහිප දෙනෙකු විසින් පහර දීමත්, තවත් භික්ෂුන් වහන්සේලා පිරිසක් පන්සලට වැඩම කරද්දී මුස්ලිම් ජාතිකයන් ගල්මුල්වලින් ඔවුන්ට පහර දීමත් මේ කලබලයට හේතු වූ බව ඇගේ හේතුපාඨය විය.

මේ ගැන ගෝඨාභය රාජපක්ෂ පසුගිය දා ‘ඬේලි මිරර්’ පුවත්පතට දීර්ඝ සම්මුඛ සාකච්ඡුාවක් දී තිබුණි. බොදුබල සේනාව සහ තමන් අතර සම්බන්ධයක් ඇතැ යි ‘ඔප්පු කළොත්’ තමා තනතුරෙන් ඉල්ලා අස්වන බව එහි දී ඔහු කියයි. මුලින්ම කිව යුත්තේ, රාජපක්ෂ පාලනය යටතේ ‘ඔප්පු කිරීම’ යනු තවදුරටත් අධිකරණයක් සහ නීතියක් ඉදිරියේ කෙරෙන කටයුත්තක් නොවන බවත්, රාජපක්ෂ පවුලේ හුදු අභිමතය මත සිදුවන නිගමනයක් පමණක් වන බවත් ය. ඒ අනුව, සරත් ෆොන්සේකා සහ ශිරානී බණ්ඩාරනායක කළා යැයි කියන වැරදි ඉබේ ‘ඔප්පු’ වන අතර, දුමින්ද සිල්වා සහ මර්වින් සිල්වාගේ සිට හම්බන්තොට ප‍්‍රාදේශීය නියෝජිතයා දක්වා අදාළ වන කිසිවක් ‘ඔප්පු’ වන්නේ නැත. එසේ වෙතත්, මේ රටේ සාමාන්‍ය ජනතාව මේ සියලූ දේවල් පසුපස ක‍්‍රියාත්මක වන රාජපක්ෂ හස්තය, හෙමිහිට වුවත් දිනපතා දකිමින් සිටිති. මේ නිසා, පසු ගිය කාලයේ බොදුබල සේනා මූලස්ථානය විවෘත කිරීමේ උත්සවයේ ප‍්‍රධාන අමුත්තා වශයෙන් ගෝඨාභය රාජපක්ෂ සහභාගී වීම සහ බොදුබල සේනා වැනි භික්ෂු ව්‍යාපාර මේ රටේ පැවතිය යුතු බවට විවිධ අවස්ථාවල ඔහු විසින් ප‍්‍රකාශ කොට සිටීම යන කාරණා නැවත මෙනෙහි කිරීමක් අවශ්‍ය නොවේ. ඔහුගේ මේ සම්මුඛ සාකච්ඡුාව තුළින්ම පුහුල් හොරා හඳුනා ගැනීමට බැලීම දැනට ප‍්‍රමාණවත් ය.

තමා කිසිවෙකුට චෝදනා කරන්නේ නැති බව මුලින්ම ඔහු කියයි. එහෙත් මුළු සම්මුඛ සාකච්ඡුාව පුරාම ඔහු කරන්නේ, බොදුබල සේනාව හැර අනිත් සියල්ලන්ටම චෝදනා කිරීමයි. මෙවැනි දේවල් කරන්නේ බොදුබල සේනාව පමණක් දැ යි ඔහු ප‍්‍රශ්න කරන්නේ එබැවිනි. තවත් සංවිධාන එම වරදම කළත්, ඒ හේතුවෙන් බොදුබල සේනාව එම වරදින් නිදහස් වන්නේ නැති බව ඔහු වසංගයි. ලංකාවේ දැනට නැති මුස්ලිම් ත‍්‍රස්තවාදයක් ගැන කතා කරන ඔහු, බොදුබල සේනාව විසින් කරන ලද වෛරී කතා සහ පල්ලිවලට පහරදීම් ගැන ප‍්‍රශ්න කරන විට පිළිතුරු දෙන්නේ, එසේ වී ඇත්තේ මුස්ලිම් ජාතිකයන් සම්බන්ධයෙන් පමණක් නොවන බවයි. වෙනත් ජාතිකයනුත් එවැනි ප‍්‍රහාරයන්ට ගොදුරු වී තිබීම, මුස්ලිම් ජාතිකයන්ට කළ ප‍්‍රහාරය සාධාරණීකරණය වීමක් නොවන බව නැවතත් ඔහු වසං කරයි. ඔහුට අනුව, ‘අළුත්ගම’ ගැන කතා කිරීම ඇරඹිය යුත්තේ ඥානසාර කළ කුපිතකාරී වෛරී කතාවෙන් නොව, ඊට කලින් වෙනත් භික්ෂුන් වහන්සේ කෙනෙකුට කළා යැයි කියන පහරදීමෙනි.

ගෝඨාභය රාජපක්ෂගේ කරේ මොන තරම් අළු ගෑවී තිබේදැ යි පෙනෙන්නේ එහිදී ය. මේ තර්කයට අනුව, 1983 කළු ජුලියේ වගකීම අප පැවරිය යුත්තේ, ඊට දින කිහිපයකට කලින් උතුරේ දී ඝාතනය කළ සොල්දාදුවන් 13 දෙනාගේ සිද්ධියටයි. ඒ අනුව, 83 මහා විනාශය සොල්දාදුවන් 13 ක් ඝාතනය කළ එල්.ටී.ටී.ඊ. සංවිධානයට බැර කොට අත පිස දමාගත හැකිය. මන්ද යත්, 13 දෙනාගේ ඝාතනය සිදු නොවිණි නම්, ගෝඨාභය රාජපක්ෂගේ වර්තමාන තර්ක ක‍්‍රමය අනුව, කළු ජුලියක් ද ඇති නොවන බැවිනි.

කෙසේ වෙතත්, මේ කියන භික්ෂුන් වහන්සේට පහර දී ඇති බවක් අධිකරණ වෛද්‍ය නිලධාරී වාර්තාවෙන් නොකියැවෙන බව සාකච්ඡුාකරු විසින් පෙන්නා දීමේ දී ඔහු පිළිතුරු දෙන්නේ මෙසේය: ‘‘අධිකරණ වෛද්‍ය නිලධාරී වාර්තාව වෙනම දෙයක්. ඒත් හැමෝම කියනවා පහර දීමක් වුණා කියලා. තල්ලූ කළොත් තුවාලයක් වෙන්නේ නැහැනේ. අධිකරණ වෛද්‍ය වාර්තාව සඳහන් කරන්නේ තුවාලයක් තිබුණොත් විතරයි. කොහොම හරි යම් සිද්ධියක් වුණා. එම සිද්ධිය නොවුණා නං මෙහෙම දෙයක් වෙන්නේ නැහැ…’’

මෙය, ‘මුල් පාපයේ’ එල්ලීමක් පමණක් නොව. රටේ නීතිය සහ ඒවා ක‍්‍රියාත්මක කරන ආයතන තිබෙන්නේ කොහේදැ යි නොදැනුවත්ව හෝ ඔහු විසින්ම පෙන්වා දීමක් ද වෙයි. ‘මුල් පාපය’ සිදුවන අවස්ථාවේ පොලීසිය නොසිටියේය. එසේ තිබියදීත් අදාළ සැකකරුවන්ව අත්අඩංගුවට ගෙන තවමත් හිරේ රඳවාගෙන සිටී. එහෙත් ඥානසාර භික්ෂුවගේ දෙවැනි පාපය සිදුවන අවස්ථාවේ පොලීසිය බලාගෙන සිටියේය. එම භික්ෂුව, ‘පුලූවන් නං මාව අත්අඩංගුවට ගන්නැ’ යි අභියෝග කිරීමට තරම් තවමත් නිදැල්ලේ ය.

එපමණකින් නොනවතින ඔහු තවත් ප‍්‍රති-ප‍්‍රශ්නයක් මතුකරයි. ඒ මෙසේය: ‘‘ඒත් ඇයි මට වැරදි කියන්නේ? පොලීසිය මගේ යටතේ තියෙන ආයතනයක් නෙවෙයි.’’

රාජපක්ෂලා යටතේ නොපවතින යම් ආයතනයක් තවමත් ලංකාවේ ඉතිරිව ඇතොත් ඒ කාලගුණ විද්‍යා දෙපාර්තමේන්තුව පමණකි යි මීට පෙරත් මේ කොලමේ අප පෙන්වා දී තිබේ. කෙසේ වෙතත්, පොලීසිය තමන් යටතේ නොපවතින බව කියන ආරක්ෂක ලේකම්වරයා ඊළඟට එම සම්මුඛ සාකච්ඡුාවේ ඊළඟ පේලියේ දී මෙසේ කියයි: ‘‘මං හිටියේ මිහින්තලේ. පොලිස්පතියි, නීතිය හා සාමය පිළිබඳ අමාත්‍යාංශ ලේකම්තුමයි හිටියෙත් එහේ… මං වහාම පොලිස්පතිට උපදෙස් දුන්නා අළුත්ගමට යන්න කියලා. පොලිසිය භාර අමාත්‍යාංශ ලේකම්වරයටත් කිව්වා යන්න කියලා.’’ විවිධ නම්වාසගම් යටතේ තිබුණත් පොලීසිය ක‍්‍රියාත්මක වන්නේ කා යටතේ දැ යි ඔහුම පෙන්වා දුන්නේ එලෙසිනි.

ආගමික සහ ජාතිවාදී සංවිධාන ආණ්ඩුව විසින් නඩත්තු කිරීම පසුපස ඇති දේශපාලනය බොහෝ දෙනා සිතනවාට වඩා සංකීර්ණ ය. එය, හුදෙක් ඌව පළාත් සභා මැතිවරණය හෝ වෙනත් මැතිවරණයක් ඉලක්ක කොට දියත් වන්නක් නොව, (ඒවාට ද එය වාසියක් වීම වෙනම කාරණයකි). ඉන් බොහෝ ඈතට දිවෙන සිංහල-බෞද්ධ දෘෂ්ටිවාදී ව්‍යාපෘතියකි. රටක් සහ සමාජයක් වශයෙන් ව්‍යර්ථ කළ යුත්තේ ඒ ව්‍යාපෘතියයි.

Print Friendly, PDF & Email

Latest comments

  • 0
    4

    ගාමිණී වියන්ගාඩ කියන පුද්ගලයා ඡාතිය කෙසේ වෙතත් රට වෙනුෙවන්වත් කවදාවත් හිටගත්ත අයෙක් නොවෙයි.

    පහත දැක්වෙන්නේ වියන්ගාඩ විසින් ලියූ 2007 නොවැම්ඹර් 29 දින “බුමුතුරුණු” වෙබ් අඩවියේ “කටේ නරිවාදම රෙද්ද පල්ලෙන් බේරීම” යන හෙඩිමෙන් පළවු ලිපියකි.

    “ප්‍රභාකරන් මේ සමරන්නේ අන්තිම උපන් දිනය යැයි වහසි බස් දෙඩූ ආරක්ෂක ලේකම් ගෝඨාභය රාජපක්ෂගේ යුද වියරුවට වන්දි ගෙවීමට සිදුවූයේ අහිංසකයන් කිහිපදෙනෙකුටය. ලෙයින් හා යකඩෙන් අභියෝග කරන සෑම අවස්ථාවකම ප්‍රතිචාර ලැබෙන්නේ ඒ හා සමාන හෝ ඊටත් වඩා භයානක හෝ අන්දමිනි.එහෙත් පාලකයන් පමණක් නොව පාලිතයන් ද පූරාඡේරු කියමින් පලිගසන්නේ ලෙයට ලෙයින් ද දතට දතින් ද අභියෝග කරමිනි.

    1998 දී නිදහසේ ස්වර්ණ ජයන්තිය නුවර දී සැමරීමට ගිය එදා ආණ්ඩුවේ ආරක්ෂක නියෝජ්‍ය ඇමති අනුරුද්ධ රත්වත්තේ ද මෙවැනිම වගාලාපයන් කියූවත් ඊනියා ත්‍රස්තවාදය තුරන්වූයේ නැත. නිදහස් සැමරුම දළදා මාළිගාව අභියස පවත්වන්නේ ඒ 9 මාර්ගය විවෘත කිරීමෙන් අනතුරුව බව රත්වත්තේ කළ ප්‍රකාශයට ප්‍රභාකරන් දත් විළිස්සා ප්‍රතිචාර දැක්වූයේ සෝපාසයෙනි.

    ඊට උඩගු ලෙස රත්වත්තේ කිව්වේ නොවරදවාම ඒ 9 මාර්ගය විවෘත කරන බවත් අනතුරුව වාහනයක් යවා ප්‍රභාකරන්ගේ මව නුවරට කැන්දා ගෙන එන බවත්ය.

    රත්වත්තේගේ පස්සා බිම ඇනුනි. බෞද්ධයාගේ මුදුන් මල්කඩ වූ දළදා මාළිගාව ලෙයින් නෑවුණි. දැන් ඉතිහාසය ආපිට කර කැවේ. රාජපක්ෂලා නැවතත් වහරන්නේ රත්වත්තේලාගේ උජාරු කතාවන්මය. මේ සා විශාල විනාශයකින් පසුවද පාලකයන්ගේ යුධ වියරුව නොනැසී පවතී. සමාජය ද තවමත් ඉල්ලා සින්නේ ලෙයට ලෙය හා දතට දතක්ය.පුරවැසියන් ආරක්ෂා කරගත නොහැකි පාලකයන් සතුරාගේ හිස ගෙන එන බව කීම කොමිස් ගැසීමටත් බලය ආරක්ෂා කර ගැනීමටත් කරන්නාවූ කෛයිරාක මායාවකි.
    25 අවුරුදු යුධ අත් දැකීම් විදවමින්ම යුද්ධය ඉල්ලා සිටීම කෙතරම් නම් මිලේඡ්කමක් ද?”

    එදා තිස් වසරක යුද්ධය නිමකිරීමට රාජපක්ෂලා රටම එක්කරගෙන ඉතා අමාරු දේශපාලන ගමනක් යමින් ත්‍රස්තයා සමග සටන් වදිද්දී වියන්ගාඩලා සහ UNPයට අරක්ගත් රටත් දේසපාලුවන් සහ NGO වලින් සප්පායම් වන නඩය විසින් ‘පිරාපකරන්’ පිම්බුවේත් යුද්ධය දිනන්නට බැරිවුන රත්වත්තේව පතුරුගැහුවේත් රාජපක්ෂලාව බොරුකාරයින් සහ මිලේඡ්යන් කර යුද්ධය පරදවන්න උත්සාහ කලේ ඔන්න ඹහොමයි.

    දැන් යුද්ධය ඉවරය. පිරාපකරනුත්’ඉවරය. එ් සමගම මරාගනමැරෙනඋන්ද ඉවරය. පවුල පිටින් බස් එකේ යන්න බියවූ අපි අැන් වේලාවක් නැතිව රටපුරාම වන්දනාවේ යන්නෙමු. අාර්තිකය අමාරුඋනත් කෑමට බීමට ෙහාදට අදින්නට ගමන්බිමන් යන්නට අවශ්‍ය කාසිපනම් සොයාගන්නෙමු. ගමේ අයනම් ඡයටම බර්ත්ඩේ පාටිත් දමනවා.

    දැන් මේ පිල්ලිවලට අවශ්‍ය රාජපක්ෂලා ගස් අැර දේසපාලන වශයෙන් රට අස්ථාවරකර නැවතත් කොටියා කැන්දවීම බව මට නම් හොදටම පැහැදිලිය.

    • 1
      0

      Banda,

      “ගාමිණී වියන්ගාඩ කියන පුද්ගලයා ඡාතිය කෙසේ වෙතත් රට වෙනුෙවන්වත් කවදාවත් හිටගත්ත අයෙක් නොවෙයි. :

      This is a lie. The Greatest Terrorist for Buddhism is BBS and its supporters. They will kill Buddhism,

      Now Sinhalese Buddhism and Bud dist Terrorists are the same. All Sinhalese will be called Terrorists and genocidal.

      Sign the petition

      UN HUMAN RIGHTS COMMISION: Charge the BODU BALA SENA,(BBS) Its Leader GNANASARA Thero for GENOCIDE

      http://www.avaaz.org/en/petition/UN_HUMAN_RIGHTS_COMMISION_Charge_the_BODU_BALA_SENABBS_Its_Leader_GNANASARA_Thero_for_GENOCIDE/?copy

      Why this is important to me

      To STOP further GENOCIDE in Sri Lanka against its peaceful Muslim community similar to the Genocide unleased against them on 15th of June 2014, in southern Sri Lanka. 90% of the people of Sri Lanka are AGAINST this racist violence but NO ACTION is taken by the Government which indirectly supports this groups racist actions and agenda.

  • 1
    0

    බොදුබල සේනා පසුපස ඇති ආණ්ඩුවේ (නො) පෙනෙන හස්තය

    Anduwa nettan Wena Kauwida?

    If not the Govt, who else is protecting the rioters and terrorists?

    Gota though all the Sinhala Buddhists are terrorists? They are wrong.

    • 1
      0

      Sign the petition

      UN HUMAN RIGHTS COMMISION: Charge the BODU BALA SENA,(BBS) Its Leader GNANASARA Thero for GENOCIDE

      http://www.avaaz.org/en/petition/UN_HUMAN_RIGHTS_COMMISION_Charge_the_BODU_BALA_SENABBS_Its_Leader_GNANASARA_Thero_for_GENOCIDE/?copy

      Why this is important to me

      To STOP further GENOCIDE in Sri Lanka against its peaceful Muslim community similar to the Genocide unleased against them on 15th of June 2014, in southern Sri Lanka. 90% of the people of Sri Lanka are AGAINST this racist violence but NO ACTION is taken by the Government which indirectly supports this groups racist actions and agenda.

      • 0
        1

        Amaraya, Read lankaweb if you wanted to read about both sides particularly the peaceful Muslim community.

        • 1
          0

          I am no muslim

          “Read lankaweb if you wanted to read about both sides particularly the peaceful Muslim community.”

          1. Whatever, it is Agree you do not use a Wide Brush to punish the whole community, because they are a few bad Wahhabis.

          2. Same with Sinhala Buddhists. A Few BBS rotten Para-Sinhala should not make all the Sinhala Buddhists Terrorist and Racists.

          3. Lankaweb does not like Amarasiri’s comments, because they have no answer to their deception and lies. They do not filow Buddhism, They follow Para-Sinhala-Para-Buddhist Racism that was Illegally imported to Lanka, the Land of Native Veddah Aethho.

          The Vedda Tribe

          https://www.youtube.com/watch?v=f89NuukY32U

        • 0
          0

          I AM NO MUSLIM,

          Conversation with Eric Solheim, a Norwegian ON BBS FUNDING

          “For sure we funded BBS.” Erik Solheim ‏@SolheimDAC Jul 15 #SriLanka downward spiral. Excellent summary of present situation in the island by @taylordibbert at Foreign Policy: http://ow.ly/3ncCBT Expand Reply Retweet Favorite More

          Amarasiri ‏@Amarasi69467474 Jul 17 @SolheimDAC @taylordibbert Mr Solheim Did Norway Fund BBS with Norwegian, Israeli and American Christian Fundamentalist Money? Yes or No? Expand Reply Delete Favorite More

          Erik Solheim ‏@SolheimDAC Jul 17 @Amarasi69467474 @taylordibbert For sure we funded BBS. As we have always funded LTTE, Mahinda and ths islamic jihadists in #SriLanka.

      • 1
        0

        Gnanasara Thera is supported by US citizens PLUS Norwegians and Israelis

        http://www.lankatruth.com/home/index.php?option=com_content&view=article&id=7228:gnanasara-thera-is-supported-by-us-citizens-&catid=42:smartphones&Itemid=74

        Gnanasara thera is supported by a few US citizens living in Sri Lanka and their visa to the USA too should be revoked says UNP Parliamentarian Mangala Samaraweera.

        He said this speaking at a media conference held on the 4th.

Leave A Comment

Comments should not exceed 200 words. Embedding external links and writing in capital letters are discouraged. Commenting is automatically disabled after 7 days and approval may take up to 24 hours. Please read our Comments Policy for further details. Your email address will not be published.