‘‘ආණ්ඩුවක් ජනතාවට බිය විය යුතුවා මිස, ජනතාවක් ආණ්ඩුවකට බිය විය යුතු නැත’’ -ඇලන් මූර් (වී ෆෝ වෙන්ඩෙටා)
කුරිරු යුද්ධයක් මානුෂික මෙහෙයුමකැ යි හඳුන්වන ආණ්ඩුවක්.
නැවුම් හඩ අපේ දෙසවන් තුළ දෝංකාර දෙයි. නන්දිකාදල් සහ මුල්ලියවයික්කාල් වෙතින් නැගුණු හඩ. අචින්ත්‍ය භීෂණයේ සහ කටුක සන්තාපයේ රුදුරු කෑගැසීම්. එදා, මුලතිව් කොණේ, අත් ඔසවාගෙන, යටත්ව. අද කොළඹට යාබද වැලිවේරියේ, අත් ඔසවාගෙන, යටත්ව.
ජාත්‍යන්තර මානව නීතියේ මූලික ධර්මතා, මේ එක තැනකදීවත්, ආරක්ෂා කෙරුණේ ද? පැහැදිළි පිළිතුර, කොහෙත්ම ‘නැත’ යන්නයි.
සුජාත විරෝධයක්, මිනිසාගේ පරම අයිතියක් වන, බීමට වතුර ඉල්ලා දක්වන සුජාත විරෝධයක්, අතිශය කෲර අන්දමින් සහ අමානුෂිකව මැඩපැවැත්වීමට, හමුදාව සහ විශේෂ පොලිස් කාර්ය බලකාය යොදවන ආණ්ඩුවක්.
කිතුණු සහ මුස්ලිම් පල්ලිවලට මේ දක්වා 200 වාරයක් පහර දී ඇති ‘බොදුබල සේනා’ ෆැසිස්ට් නඩයේ අන්තවාදී ව්‍යාපාරය නිරතුරුව රකින සහ පෝෂණය කරන අතරේ, උත්ප‍්‍රාසවත්ව, අනිත් පැත්තට හැරී අතිගරු පාප් වහන්සේට ලංකාවට වඩින්නැ යි ආරාධනා කරන ආණ්ඩුවක්.
සාමාන්‍ය වකවානුවක සිදුවන දරුණුතම කාන්තා ඝාතනයක් තුළ කොටකතැන්නේ මුළු ගමක් වනසන පාහරයන් රකින ආණ්ඩුවක්.
ඝාතනය වන, දූෂණය වන, බලහත්කාරයෙන් කඩාවඩා ගැනෙන, නූරිවත්තේ කම්කරුවන්ගේ සහ පදිංචිකරුවන්ගේ කන් පැලෙන අඳෝනා නෑසෙන, එහෙත්, ඒ මහා වින්නැහියේ මහ එකාව-අත කොටාව-ආදරෙන් රැකබලාගන්න ආණ්ඩුවක්.
ප‍්‍රාදේශීය සභා සභාපති විදානපතිරණ සහ උගේ හත් බැලයන් මිනීමරද්දී සහ රංචු පිටින් ගැහැනුන් දූෂණය කරද්දී උන්ට රැකවරණය සපයන ආණ්ඩුවක්.
දුවකගේ කල්ක‍්‍රියාව ගැන ඔවදන් දෙන ගුරුවරියක් දණගස්සන තවත් ප‍්‍රාදේශීය සභා මන්ත‍්‍රීවරයෙකු රකින ආණ්ඩුවක්.
13 වියැති දැරියක් දූෂණය කරන අකුරැුස්ස ප‍්‍රාදේශීය සභා සභාපති සරුවගේ සුනිල් නැමැති වසලයාට දඩුවම් නොදෙන ආණ්ඩුවක්.
රෝහල් තුනකින් ප‍්‍රතිකාර ගැනීමට තරම් වන අමානුෂික අයුරින් ගැහැනියකට පහර දුන් තවත් ප‍්‍රාදේශීය සභා මන්ත‍්‍රීවරයෙකු බලාකියාගන්න ආණ්ඩුවක්.
තවත් අනන්තවත් මිනීමරුවන් සහ දූෂකයන්ව නැවත නැවතත් රකින ආණ්ඩුවක්.
දහඩිය මහන්සියෙන් උපයාගත් විශ‍්‍රාම වැටුප රැක ගැනීමට පාරට බට නිදහස් වෙළඳ කලාප තරුණයෙකු ඝාතනය කරන ආණ්ඩුවක්.
තමන්ගේම ප‍්‍රබල ආධාරකරුවෙකු ඝාතනය කළ ස්ත‍්‍රී දූෂකයෙකු, කාන්තා පීඩකයෙකු, තමන් කළ කිසි පවක් දැන් මතක නැතැ යි කියන අපරාධකාර මන්ත‍්‍රීවරයෙකු දෝතින් බදාගන්න ආණ්ඩුවක්.
කිසි ගී‍්‍රස් යකෙකු නීතිය ඉදිරියට නොගෙනා ආණ්ඩුවක්.
හිරගේකට කඩා වැදී බල්ලන් සේ සිරකරුවන් ඝාතනය කරන ආණ්ඩුවක්.
නගරය ලස්සණ කිරීමට තාප්ප කඩන, එහෙත් පුරවැසියන්ගේ නිදහසට තාප්ප බඳින, ආණ්ඩුවක්.
එක විට තකතිරු ද, කුරිරු ද වන එවන් ආණ්ඩුවක් හැඳින්විය යුත්තේ කෙසේද? ආසියාවේ නව ආශ්චර්ය යනු මෙය ද? ඒ ආශ්චර්ය තුළ මහින්ද යනු කවරෙක් ද? පොල්පොට් රාජපක්ෂ කෙනෙක් ද? නායකත්වයක කෲරත්වයත්, මන්දබුද්ධිකත්වයත් එක්තැන් වූ විට එරටේ වැසියන්ට එය විසකුරු කෂායක් වන්නේය.
මේ කසල ගෝදාව කටක් නෑර බාරගන්නා පුරවැසියන් කවරාකාර ද? පෙන්දන් ද?
*2013 අගෝස්තු 6 වැනි දා ‘කලම්බු ටෙලිග‍්‍රාෆ්’ වෙබ් අඩවියේ පළවූ A Country In Crisis: A Humanitarian War Is Not Humane! ලිපියේ සිංහල පරිවර්තනය ‘යහපාලනය ලංකා’
Namal Perera / August 7, 2013
It is a pity that the words “corruption, disappearances, murder” that were relatively unknown before are the only words constantly used today. It is about time that we force the Jokers to turn the corrupt, lawless Banana Republic back to our democratic Sri Lanka.
/
Priya / August 7, 2013
මෙම දුර්දාන්ත මිනීමරු රජය පලව හැර නීති රකින ආණ්ඩුවක් පත් කරගන්න තුරු අප රටට සෙතක් නොවනු ඇත.මෙතෙක් කල් උතුරේ ජනතාව තම හිමිකම් ඉල්ලා මොරගන කල අප ඉවත බලා ගතිමු .වැළි වෙරිය සිදුවීම ඔවුන්ගේ වේදනාව ගැන යම් අවබෝදයක් අපට ලබා දෙයි .අපට අවශ්‍ය ජාති බේදයෙන් තොර නීතිය රකින රජයකි .මේ හොර කැලෙන් එවන් පාලනයක් බලපොරොත්තු විය හැකිද.ඉදිරියේදී ජනතාව තවත් නැගිටිනු ඇත .තවත් මහා ලේ වැගිරීමක් නුදුරේදීම දකින්නට ලැබීම ට බොහෝ දුරට ඉඩකඩ් ඇත.
/
සයිමන් / August 7, 2013
අවුරුදු ගානක් තිබ්බ යුද්දේ, අවුරුදු තුනකින් ඉවර කෙළේ මේ ආණ්ඩුව මිනීමැරුම් ආණ්ඩුවක් නිසාද? උතුරේ ජනතාව නිදහසේ අද ජීවත් වෙන්නේ ,මේ මිනීමරුම් ආණ්ඩුව නිසාද? පාට කන්නාඩි වලින් ලෝකය බලන මෝඩ මිනිස්සු ඔය වගේ කතා කියන එක පුදුමයක් නෙමේ
/
Priya / August 8, 2013
අනේ සයිමොන් මහත්තයෝ ..අර වැලිවේරියේ හන්දියේ bullet වලට මුන දීපු අහිංසකයොත් එක්ක ඔබතුමාගේ පුතා හිටිය නං ඔය පාට කන්නාඩි කතා කියන එකක නෑ නේද ? මොකටද මගේ කට ……
/