17 October, 2017

කොන්ග්‍රසයේ ඒකාබද්ධ සැසිවාරයේ ට්‍රුම්ප්ගේ ඇමතීමට සමාජවාදීන්ගේ ප්‍රතිචාරය

ක්‍ෂාමා සවාන්ට්

සහෝදර සහෝදරියනි, සමාජවාදය කළ හැකි දෙයක් පමණක් නොව, අපගේ සටන ට්‍රුම්ප්ට සහ දක්ෂිණ පක්ෂයට විරුද්ධ වීම පමණක් නොව, වෙනස් ආකාරයේ සමාජයක් සඳහා ය. සමානාත්මතාවය, ප්‍රජාතන්ත්‍රවාදය සහ පාරිසරික තිරසාරබව මත පදනම් වු ලෝකයක්: සමාජවාදී ලෝකයක් සඳහා ය.

සහෝදර සහෝදරියනි,

සති 5ක් ඇතුළත පමණක්, එකකට පසු එකක් වශයෙන් ඇමෙරිකාවේ එක් කණ්ඩායමක් මත කුරිරු ප්‍රහාර මාලාවක් ඩොනල්ඩ් ට්‍රුම්ප් විසින් මුදාහැර ඇත. ICE වැටලීම් ඉහළ නැංවීමට ඔහුගේ මුස්ලිම් තහනමේ සිට අතවශ්‍ය පොදු සේවාවන් දිගට හරහට කප්පාදු කිරීමට ඔහුගේ අයවැය යෝජනාවට ඔහුගේ විනිවිද නොපෙනෙන විධායක නියෝගයන් සිදු කිරීම දක්වා.

පාලක පන්තිය ට්‍රුම්ප් පිළිබඳව තියුණු ලෙස බෙදීගොස් ඇත.වැඩෙමින් පවතින බලවත් පොදු නොකැමැත්ත විසින් ධනවාදී උපායශුරයන් බියවද්දන අතරම ඔහුගේ සහාසික ප්‍රතිපත්තිවලට අලාභ සිදුකරන අතර මෙහෙය වීම ඔවුන්ගේ ක්‍රමයට හානි පමුණුවනු ඇත. එතකුදු වුවත් බොහෝ විශාල ව්‍යාපාරයන් සංයුක්ත බදු කපා හැරීම් සහ රැඩිකල්වාදී නියාමනහරණය පිළිබඳ ට්‍රුම්ප්ගේ දර්ශනය ඉදිරියේදී කෙළ උනමින් සිටිති.

නමුත් ට්‍රුම්ප්ගේ ස්වමතාසක්ත, නාරිද්වේෂි න්‍යාය පත්‍රයෙහි කොටසක් අවශ්‍ය නොවන මිලියන ගණනක වැඩකරන ජනතාව අතර වැඩෙමින් පවතින ඒකත්වයක් ඇත. වියට්නාම් යුද්ධයේ සිට දැකගැනීමට නොහැකි වු පරිමාණයේ කැරැල්ලක මනෝභාවයක් එහි පවතී.

ට්‍රුම්ප් පරාජය කළ හැකිය. මෙම පළමු මාසය තුළ විරෝධයපෑම් අතිවිශාල ආරම්භක ලක්ෂයක් වූ නමුත් තවත් වැඩි වශයෙන් අවශ්‍ය වනු ඇත.

සාමකාමී ලෙස සිදුකරන විශාල සිවිල් අවනතත නොවිමක් හරහා අප සාමාන්‍යයක් ලෙස ව්‍යාපාර කඩාකප්පල් කිරීමට අවශ්‍ය වේ. ගුවන්තොටුපොළවල්, අධිවේගී මාර්ගයන්, ICE කාර්යාලයන්, සහ ප්‍රමුඛ ව්‍යාපාරයන් වසා දැමිය යුතු ය.

මාර්තු 8 දින, ජාත්‍යන්තර කාන්තා දිනය දා, ජනවාරි 21 පෙළපාලි සංවිධායකවරුන් විසින් “කාන්තා වැඩවර්ජනයක්” කැඳවා ඇත. සිදුකළ හැකි විශාලතම ක්‍රියාමාර්ග වෙනුවෙන් අපි මෙය ඔසවා තබමු සහ ගොඩනංවමු.

මැයි 1 වෙනිදා, හෝ මැයි දිනය, අන්තර්ජාතික කම්කරු දිනය සහ ගෝලීය වශයෙන් දිගුකාලයක් කම්කරු පන්තියේ ක්‍රියාකාරම්වල දිනයක් ලෙස පැවති ඇත.

2006 දි,සංක්‍රමණිකයින් මැයි දිනයේ සම්ප්‍රදාය ආපසු එක්සත් ජනපදයට ගෙන ආවේය. මිලියන ගණනක් පෙළපාලි ගියහ, මොහොමයක් වැඩ වර්ජන කළහ, එමඟින් අධිකතර සංක්‍රමණික වැළක්වීම් සම්බන්ධ නීති පැනවීම් ආපසු හැරවීමට උපකාර කළහ.

මෙම වසරේදී, ට්‍රුම්ප්ගේ සහාසික පහරදීම්වලට මුහුණ දෙමින්, සංක්‍රමණිකයින් සියල්ලන්ම නැවත සංවිධානය වෙමින් සිටියි.

ජාතික “වැඩ කිරීමට ඇති අයිතිය” පිළිබඳ නීති පිරිහීමත් සමඟ,පෙර නොදුටු විරූ ප්‍රහාරවලට මුහුණ දෙමින් පවතින ශ්‍රම ව්‍යාපාරය තුළ වැඩ වර්ජන සහ විරෝධතා පළ කිරීමේ ක්‍රියාමාර්ග පිළිබඳ සාකච්ඡාවන් ද ආරම්භ වි ඇත.

විශාල ව්‍යාපාරයන්ගේ ලාභය නැවත්වීම මඟින් ට්‍රුම්ප්ට එරෙහිව සටන් කිරීමට විශාල ශක්තිසම්පන්න බලයක් වැඩකරන ජනතාව සතුව පවතී.

වැඩකරන ස්ථානයේදී කම්කරුවන්ගෙන් බහුතරයක් විසින් සම්ප්‍රදායික වැඩ වර්ජන සිදු කිරීම හරහා මෙන්ම සේවයෙන් බැහැරව සිටීම, ලෙඩ නිවාඩු ගැනීම හරහා හෝ වෙනත් නිර්මාණශීලි උපායමාර්ගයක් හරහා බොහෝ වෘත්තීය සමිතිවල නොමැති සේවකයන්ට ද මෙය සිදු කල හැකිය.

ඇතැම් ක්‍රියාමාර්ග සඳහා සහභාගී වීම ඇතැම් සේවකයන්ට ඉතාමත් අවධානම් සහගත වනු ඇති බවට සිතේ තබා ගන්නා අතරතුර, සිදුකල හැකි බලවේගයන්ගේ විශාලතම ඔප්පු කිරීමක් අපට අවශ්‍ය වේ.

සාර්ථක වීමට අපේ ගමන හුදෙක් ට්‍රුම්ප්ට එරෙහිව ආරක්ෂා වීම සඳහා සිදු කරන අරගලයන්ට පමණක් සීමාකළ නොහැකිය.

වඩාත් පුළුල් වැඩකරන සහ මධ්‍යම පන්තිය ප්‍රබෝධමත් කළහැකි ස්ථිර ප්‍රතිලාභයන් සඳහා අප ආක්‍රමණකාරී ලෙසද සටන් කිරීම අවශ්‍ය වේ.

කාන්තා අයිතිය සහ සැලසුම්කළ මාතෘත්වය මත පමණක් නොව, එමෙන්ම ප්‍රජනන ආරක්ෂාව පුළුල් කිරීමට, එය නිදහස් කිරීම සඳහා සහ සියලුම කාන්තාවන්ට ළඟාවිය හැක්කක් බවට පත් කිරීම සඳහා මෙන්ම ගෙවීම් කළ පවුල් නිවාඩු, වැටුප් සහිතව දරුවන් රැකබලා ගැනීම සහ $15ක අවම ජාතික වැටුපක් සඳහා අපි සටන් කළ යුතුය.

Obamacare (The Patient Protections and Affordable Care Act) හි ධනාත්මක අරමුණු ආරක්ෂා කිරීමට සහ සියලු දෙනා සඳහාම සෞඛ්‍ය ආරක්ෂාව, විශ්වීය ‘Single-Payer Healthcare’ (මෙය රජය විසින් සියලුම සෞඛ්‍ය වියදම් දරනු ලබන ක්‍රමවේදයකි.) ක්‍රමයක් ඉල්ලීමට බර්නි සැන්ඩර්ස් රටපුරා කැඳවනු ලැබූ විරෝධතාවන් සඳහා මම සහය දුන්නෙමි.

මෙම ප්‍රවේශය ට්‍රුම්ප්ගේ පදනම පීඩාවට ලක්කිරීමට සත්‍ය විභවතාවයක් ඉදිරිපත්කරන නමුත්, ප්‍රජාතන්ත්‍රවාදී පක්ෂ නායකත්ව බොහොමයක් සම්පුර්ණයෙන්ම මෙය ප්‍රතික්ෂේප කරන්නේ, රක්ෂණ සමාගම් සහ ඖෂධ කර්මාන්තයට ඔවුන්ගේ පවතින බැඳීම් හේතුවෙනි.

ඩොනල්ඩ් ට්‍රුම්ප් දැන් පවසන්නේ, සෞඛ්‍ය ‘සංකීර්ණ’ බවයි. නමුත් මට සරල විසඳුමක් ඇත.

බොහෝ Democratic පක්ෂ නායකයන් ACA ( Affordable Care Act) මත ට්‍රුම්ප්ගේ පහරදීම් පිළිබඳව ප්‍රසිද්ධියේ චෝදනා එල්ල කරමින් සිටියි. නමුත් ඔවුන් හැකි ඉක්මනින් ඔවුන්ගේ රජයක් තුළ Single-Payer ක්‍රමයක් ක්‍රියාවට නැංවීමට කටයුතු නොකරන්නේ ඇයි?

කැලිෆොර්නියාව දැනටමත් එවැනි සැලසුමක් සාකච්ඡා කරමින් සිටියි. මගේම ජනපදය වන වොෂින්ටනය, ඔරිගන් ප්‍රාන්තය ඇතුළුව මෙම ප්‍රයත්නය තුළ එක්ව ගමන් කරන්නට හැකි විය. මෙම බටහිර වෙරළ තිරය ඔස්සේ අපට දුෂ්කෘතිමය පෞද්ගලික සෞඛ්‍ය රක්ෂණ ක්‍රමයට හවුල්, Single- Payer විකල්පයක් සංවර්ධනය කළ හැකිය.

වඩාත් ඵලදායි සටනකට අපට අවශ්‍ය හිමිකම වන්නේ ට්‍රුම්ප් සහ බිලියනපති පන්තියට 100% ක්ම විරුද්ධ විපක්ෂයකි. පහළ සිට ජන චලනයන් සංවිධානයට උපකාර කරන පක්ෂයකි.

මෙම සති අන්තයේ පැවතිප්‍රජාතන්ත්‍රවාදී ජාතික කමිටු සභාපතිධුර ඡන්දය තුළ අප නිරීක්ෂණය කළ පරිදි, එවැනි ප්‍රවේශයකට ප්‍රජාතන්ත්‍රවාදී පක්ෂ නායකත්වය සම්පුර්ණයෙන්ම විරුද්ධත්වයට පත්කර ඇත.

ප්‍රජාතන්ත්‍රවාදී සංවිධානය ට්‍රුම්ප්ට එරෙහිව නැඟී සිටින අවස්ථාවක, ඔවුන්ගේ විරුද්ධත්වය විශ්වාස කළ නොහැකි සහ ප්‍රමාණවත් බවින් දුරස්ථභාවයකට පත්ව ඇත.

ඔවුන් ට්‍රුම්ප්ට විරුද්ධ වි ඇති ප්‍රමාණයට එය ඔවුන් ඒ තුළට ඇද දමන ආමුලික පීඩනයක් බවට පත්ව ඇත. මක්නිසාද යත් විශාල ව්‍යාපාරවලට ඔවුන්ගේ පවතින බහු විශයමුඛ සම්බන්ධතාවයන්, ප්‍රාග් ධනවාදී වැඩසටහන්, සහ ඔවුන්ගේ ගතානුගතික දර්ශනයයි.

මිනිසුන් දහසකගෙන් දස දෙනෙක්, මුලිකවම තරුණ පුද්ගලයන්, නමුත් විශේෂයෙන්ම ඇමෙරිකාවේ ප්‍රජාතන්ත්‍රවාදී සමාජවාදීන් Socialist Alternative වැනි සමාජවාදී සංවිධානයන්ට සම්බන්ධ වෙමින් සිටියි.

අප මෙම මතු වෙමින් පවතින සමාජවාදී චලනය නව සමාජවාදී පක්ෂයක් දෙසට ගොඩ නැංවීම අවශ්‍ය වේ. පවතින අවකාශය 50,000ක් සාමාජිකයන්ගේ කණ්ඩායමක් සඳහා සීග්‍රයෙන් වර්ධනය කළ යුතු ය.

එවැනි නව වාමාංශික පක්ෂයකට පසු අවධියක දි ඇති කළ හැකි අතිවිශාල කම්කරු පක්ෂයකට පුර්වගමියකු බවට පත් විය හැකිය.

සංස්ථාපිත ආයතන වලට එරෙහි ඔවුන්ගේ සටන තුළ ප්‍රගතිශීලි ප්‍රජාතන්ත්‍රවාදීන් දෙසට තවමත් යොමු වු තාරුණ්‍ය සහ සංස්ථාපිත නොවන කම්කරුවන් විශාල ගණනක පැත්තකින් කටයුතු කිරීමට නව වාමවාදී පක්ෂයක් අවශ්‍ය වනු ඇත.

ප්‍රජාතන්ත්‍රවාදී ක්‍රියාධරයන් ප්‍රජාතන්ත්‍රවාදී පක්ෂය මුලිකවම පරිණාමය කිරීම තුළ සාර්ථක නොවුන හොත්- අවාසනාවන්ත ලෙස සිද්ධ වේ යයි මා විශ්වාස නොකරන- ඔවුන් සියලුම අත්‍යවශ්‍ය නිගමනයන් උකහා ගත යුතු අතර ප්‍රජාතන්ත්‍රවාදීන් අත්හැර, නව ජනතා පක්ෂයක් ගොඩ නැගීමට කටයුතු කල යුතුය.

මක්නිසාද යත් මෙය ට්‍රුම්ප් සම්බන්ධ දෙයක් පමණක් නොවන බැවිනි.

ට්‍රුම්ප්වාදයට නැඟීමට ඉඩ දි ඇති, පරිහානි සහ අර්බුධ තුළ ධනවාදයේ කොල්ලකාරී ස්වභාවය එයයි. සාගත සහන සඳහා වන ඔක්ස්ෆඩ් කමිටුව විසින් මෑතකාලීනව වාර්තා කර ඇති පරිදි ලෝක ජනගනයෙන් බාගයකට වඩා වැඩි ධනයක් මිනිසුන් 8 දෙනෙක් විසින් දැන් වන විට අත්කරගෙන ඇත. අසමත් වු ධනවාදී ක්‍රමයේ යතාර්ථය මෙයයි.

අපට මුලධාර්මික වෙනසක් අවශ්‍ය වේ.- කම්කරුවන්, තාරුණ්‍ය සහ මෙම පීඩාකාරී ක්‍රමය මඟින් ආන්තිකරණයට ලක් වු සියල්ලන්ගෙන් සමන්විත සැලකිව යුතු බහුතරයකගේ අත් තුළ බලය තබන දේශපාලන, ආර්ථික සහ සමාජීය විප්ලවයක් හරහා ධනවාදී කතිපයාධිපත්‍යයේ පෙරලා දැමීමක් අවශ්‍ය වේ.

මෙම ධනවත්ම බිලියනපතින් 8 දෙනාගේ ධනය රාජසන්තක කලයුතු අතර බහුතරයකගේ අවශ්‍යතා සඳහා ප්‍රජාතන්ත්‍රවාදී ලෙස බෙදාහැරීම සිදු කළ යුතුය.

වෝල් විදිය සහ විශාල ෆොසිල ඉන්ධන සමාගම් මනුෂ්‍යත්වයේ සහ අපේ පරිසරයේ අනාගතයට සංදෘෂ්ටික තර්ජනයක් දක්වයි. ඔවුන් ද ප්‍රජාතන්ත්‍රවාදී පොදු හිමිකාරිත්වයක් තුළට ගෙන ආ යුතු අතර ඔවුන්ගේ සම්පත් පුනර්ජීව බලශක්තියේ පුළුල් ප්‍රසාරණයක් ඇතුළත්ව, සමාජීය අත්‍යවශ්‍ය නිෂ්පාදන සඳහා යෙදවිය යුතුය.

සහෝදර සහෝදරියනි, සමාජවාදය කළ හැකි දෙයක් පමණක් නොව, අපගේ සටන ට්‍රුම්ප්ට සහ දක්ෂිණ පක්ෂයට විරුද්ධ වීම පමණක් නොව, වෙනස් ආකාරයේ සමාජයක් සඳහා ය. සමානාත්මතාවය, ප්‍රජාතන්ත්‍රවාදය සහ පාරිසරික තිරසාරබව මත පදනම් වු ලෝකයක්: සමාජවාදී ලෝකයක් සඳහා ය.

සහයෝගිතාවය!

*2017 මාර්තු 02 වැනි දා ‘Counterpunch’ හි පළවූ “Socialist Response to Trump’s Address to Joint Session of Congress” නැමැති ලිපියේ සිංහල පරිවර්තනය හෂිනි ජයවික්‍රම

Print Friendly, PDF & Email

No comments

Sorry, the comment form is closed at this time.

Leave A Comment

Comments should not exceed 300 words. Embedding external links and writing in capital letters are discouraged. Commenting is automatically shut off on articles after 10 days and approval may take up to 24 hours. Please read our Comments Policy for further details. Your email address will not be published.