19 October, 2019

Blog

රනිල්ට ග්‍රාම්‍යත්වය මුණට මුහුණ හමු වීම

තුෂාර වන්නිආරච්චි –

තුෂාර වන්නිආරච්චි

ශ්‍රී ලංකාවේ ගම, සාහිත්‍යයේ කියන තරම් සුන්දර නැත​. උඩු ගුවනින් යද්දිනම් ගම ලස්සනය, කොළ පාටය, ඇල දොළ වෙල් එලි, කූඹින් වැනි අහිංසක මිනිසුන්ය, හරකා බානය, ලොකු කුඩා ගෙවල්ය, ඒවා එක්කෝ උළු සෙවිලි කල ගෙවල්ය. සමහරක් පිදුරුද සෙවිලි කර තිබේ. සියල්ල මනරම්ය. උඩින් පෙනෙන ගමය. නමුත් ඇත්ත ගම හා එහි වෙසෙන මිනිසුන් එයට හාත් පසින්ම වෙනස් වේ. ඇත්ත ගමේ ගම පුරා වැට කඩොලුය, ගල් ගොඩැලිය. දැන්නම් කොන්ක්‍රීට් පාරවල්ය. මිනිස් පහසින් අපිරිසිදු ඇල දොළය, කේඩෑරි වූ හරකා බානයෙ. ඔවුන්ද හංවඩු ගසා ඇත. ගමේ වෙසෙන මිනිස්සුන්ගේ නම් වලිනි එනම් සිරිපාල හෝ රන්නිමැකා ලෙසය. තැනින් තැන ඉන්දියානු බයිසිකල් හෝ අටා රථය. අපිරිසිදු වැසිකිලි ගෙවතු වල හැම තැනමය. අල්ලපු ගෙදර ළිදට හැකි තාක් සමීපව තමන්ගේ ගෙදර වැසිකිලිය හැදීම ගැමියන්ගේ ආශාවයි. බැලු බැලු අත දිළිදු බවේ, නුගත් බවේ සලකුණුය. සුරාකෑමට ලක්වීම ශ්‍රි ලාංකික ගැමියාගේ ආගමයි. එහි සලකුණු ගම පුරාමය.

ගමේ වෙසෙන මිනිසුන් මේ සියල්ලටම වඩා විනාශයකි. ඔවුන් අවුරුදු සිය ගණනක කෝන්තර හිතේ තබාගෙන දිවි ගෙවන්නෝ වෙති. කුලය, ධනය බලය, හැඩය ඇතුළු මෙකි නොකී දහසකුත් දේ වලින් බෙදී වෙන් වෙති. එකිනෙකා අතර සහජීවනයක් නොමැති අතර උගුල් අටවමින් අනෙකාගේ විනාශය පතමින්, දුක් විදිමින් දිවි ගෙවති. ගමෙහි උපන් මිනිසුන් නිදහස් අධ්‍යාපනයෙන් හෝ වෙනත් ආකාරයකින් අවස්ථාවක් ලැබුනහොත් හැකි ඉක්මනින් එයින් මිදී පලායයි. එක්කෝ විදේශයකටය, නැතහොත් මහරගමටය. ඉදහිට තවත් ගමකටය. නැතිනම් මහවැලි හෝ ගල්ඔය ජනවාසයකටය. නමුත් ඔවුන් ගමෙන් යන්නේ ඔවුන්ට ගමෙන් උරුම වූ ග්‍රාමය චින්තනයද සමගය.

ගමෙහි ඇති අනෙක් ප්‍රමුඛ ලක්ෂණයක් නම් කිසිවක් ස්ථිර නොවීමයි. ගෙවල් දොරවල්, පවුල් පන්සල්, ගති ලක්ෂණ සියල්ල වැනෙන සුළුය. පවතින්නේ යන්තමින්ය. එමගින් සියල්ලන්ටම ආරක්ෂාව ලැබේ. කවුරුන් හෝ ශක්තිමත් වූ විට ගමෙහි අනෙකුත් අය අනාරක්ෂිත වේ. මෙබැවින් සියල්ල දුර්වලව පවත්වා ගැනීමට ගැමියෝ නොදැනුවත්ම කටයුතු කරති. ගැමියන්ගේ ගති ගුණ පුදුමාකාරය. දවසින් දවස වෙනස් වේ.

මෙවන් පසු බිමකින් පැමිණි ජනාධිපතිවරයෙක් ලංකාවට ලැබී තිබේ. එහි අපුරුම දෙයනම් එවැනි ජනධිපතිවරයෙකුට කොළඹ එලීට් අගමැති වරයෙකු මුහුණට මුහුණ හමු වී තිබේ. මේ දෙදෙනාගේ සියල්ල අසමානය. පවුල අසමානය, අධ්‍යාපනය, පෙනුම, දේශපාලන පක්ෂය, කටයුතු කරන විදිය සියල්ල අසමානය. කොටින්ම සමාන කිසිවක් නැත. රනිල්ට තම ජිවිතයේ ප්‍රථම වතාවට තමන්ට උඩින් හෝ තමන්ට සමාන තත්ත්වයේ ගැමියෙකු මුහුණට මුහුණ හමු වී තිබේ. ශ්‍රී ලංකාවේ පොදු ජනතාව රනිල්ට සුබ පැතිය යුතු අතර පාක්ෂිකයින් දෙවි පිහිට පැතිය යුතුය. මන්ද රනිල් මේ මොහොතේ ලාංකීය ග්‍රාම්‍ය වැඩපිලිවලක තර්ජනයකට තනියම මුහුණ දෙමින් තිබේ.

ජනාධිපතිවරයා විවේචනය කිරීම එක්සත් ජාතික පාක්ෂිකයින්ට තහනම් කොට තිබේ. නමුත් ශ්‍රී ලංකා නිදහස් පක්ෂයට උපදෙස් ලැබී ඇත්තේ හැකි තාක් එක්සත් ජාතික පක්ෂ නායකයා හා පක්ෂය විවේචනය කරන්නටය. එකසත් ජාතික පක්ෂය ආණ්ඩුවේ කටයුතු විදිමත්ව සිදුකරමින් ආණ්ඩුව පවත්වා ගැනීමට කටයුතු සිදු කල යුතු බවට උපදෙස් ලැබී තිබියදී ශ්‍රී ලංකා නිදහස් පක්ෂයට උපදෙස් ලැබෙනුයේ ආණ්ඩුවේ කටයුතු අවුල් කරමින් හැකිතාක් ආණ්ඩුව අස්ථාවර කිරීමට කටයුතු කරනා ලෙසය. මේ රනිල්ට ග්‍රාමය නායකයෙකු මුණගැසීම මිස වෙන කුමක්ද ?

ලැබෙමින් පවතින ආරංචි අනුව රාජපක්ෂවරු ජනාධිපතිවරයා සම්බන්ධයෙන් දැඩි තරහකින් පසුවෙයි. ඔවුන්ට සිදුවෙමින් පවතින තත්ත්වය රනිල්ට වඩා හොදින් අවබෝධ වන බව මගේ හැගීමයි. මන්ද රාජපක්ෂවරුන්ට ලාංකීය ගම ගැන ඔවුන්ගේම කියවීමක් ඇති අතර එය යථාවාදී හෝ ඊට ඉතා ආසන්නය. විශේෂයෙන් ගම්පහ යාගොඩ පල්ලෙවත්ත ගමරාලලාගේ කටයුතු ගැන බැසිල්ට හොද අත්දැකීම් තිබේ. ඔහුට ගම්පහ ඔරුතොට කාර්යාලය සම්බන්ධයෙන් කරන ලද මහා පවා දීම පිළිබද ඔහුගේම තක්සේරුවක් ඇති අතර ඔවුන් ජනධිපතිවරයා හා ගනුදෙනු කරනුයේ එම සීමාකම් පිළිබද අවබෝධයෙනි. අගමැතිවරයාගේ සීලාචාර භාවිතයන් ලාංකික ග්‍රාම්‍යත්වයට කොතරම් දුරට ඔරොත්තු දෙයිදැයි බලා ගත හැකි වන්නේ 4 වැනිදා විශ්වාශභංග යෝජනාවේදීය. මෙම විශ්වාසභංග යෝජනාව අනිවාර්යෙන්ම අගමැතිවරයා ජයගනු ඇත. නමුත් ප්‍රශ්නය ඇත්තේ තවදුරටත් ශ්‍රී ලංකා නිදහස් පක්ෂය සමග ආණ්ඩු කෙරුවාව මගින් මෙම කර්කෂ, අශීලාචාර ග්‍රාමයත්වයේ ගොදුරක් බවට පත්වනවා යන්නයි. එක්සත් ජාතික පක්ෂය ඇතුලත ඇතිවී තිබෙන පීඩනය සමනය කල හැක්කේ තනි එක්සත් ජාතික පක්ෂ ආණ්ඩුවක් ගොඩ නැගීම තුලිනි. ජනධිපතිවරයාගේ කාලය ඇත්තේ තවත් වසර එක හමාරක් පමණි. ඔහු වේගයෙන් අවලංගු වෙමින් පවතී. ඔහුත් සමග සාමය අපේක්ෂා කරන්නේනම් එය කිසි දිනක මෙවන් සීලාචාර ක්‍රම මගින් ලබාගත නොහැක්කේය. ඔහුට එල්ලකරනු ලබන එක ප්‍රහාරයකින් ලාංකීය ග්‍රාම්‍ය දේශපාලනය අර්බුදයට යනු ඇත.

මේ පැමිණ ඇත්තේ තීරණාත්මක තලයකටය. යටින් උගුල් අටවන්නන් මෙන්ම පසමිතුරු බලවේග පරාජය කලයුතු හෝරාව වන්නේ මෙයයි. තනි එක්සත් ජාතික පක්ෂ ආණ්ඩුවකට පක්ෂ අභ්‍යන්තරයේ වීශාල සහයෝගයක් තිබේ. එම තත්ත්වය යොදාගෙන හැකි ඉක්මනින් ශ්‍රී ලංකා නිදහස් පක්ෂයේ ප්‍රතිගාමිත්වයෙන් මිදිය යුතුය. රනිල් වැනි නායකයෙකුට මහින්දට මුහුණ දිය හැකිය. ඔවුන් නියෝජනය කරනුයේ ශිෂ්ට ලෝකයේ නියෝජනය කරනු ලබන දේශපාලන ක්‍රම වේදයන් නිසාවෙනි. නමුත් ලාංකීය ග්‍රාම්‍ය බාවයට මුහුණ දීමට රනිල් සීලාචාර වැඩි බව මාගේ හැගීමයි. එබැවින් හැකිතාක් ඉක්මනින් මෙම යාහපාලන ආණ්ඩුවෙන් මිදී එක්සත් ජාතික පක්ෂ තනි ආණ්ඩුවක් ගොඩ නැගිය යුතු වේ. එලීට් රනිල්ට සිරිසේන මුහුණට මුහුණ හමුවීම රනිල්ට බියකරු සිහිනයක් බවට කිසිදු සැකයක් නොමැත. මහින්ද සිරිසේනට මුහුණට මුහුණ හමුවුන දිනට බියකරු සිහිනය මුණ ගැසෙනුයේ කාටදැයි කීමට තවම කල් වැඩිය.

Print Friendly, PDF & Email

Latest comments

  • 4
    0

    වන්නිආරච්චි මහතාණෙනි, මට ඔබෙන් ඇසීමට එක ප්‍රශ්නයක් තිබේ. අනේ ඒකට උත්තරයක් දෙන්න. ඔබතුමාගේ ඔය ශිෂ්ඨසම්පන්න ශීලාචාර රනිල් හා අර්ජුන් මහේන්ද්‍රන්ගේ මහබැංකු කොල්ලය ගැන ඔබතුමාගේ අදහස මොකක්ද? අනේ කරුණාකර කෙටියෙන් හෝ උත්තරයක් දෙන්න. මම කලම්බු ටෙලිග්‍රාප් අයිති ලේඛක මණ්ඩලයෙන් ද මේ ඉල්ලීම අවංකවම කරමි. මට උත්තරයක් දෙන ලෙස වන්නිආරච්චි මහතාගෙන් ඉල්ලීමක්වත් කරන්න ඔබතුමන්ලාට පුලුවන්ද? මේ ප්‍රශ්නය අසන්නේ වන්නිආරච්චි මහතාටඋපහාසයක්වත් අපහාසයක්වත් වශයෙන් නොවේ. එතුමා රනිල් ගැන ලියන කියන විදිය දිහා බැලුවාම මේ ප්‍රශ්නයට එතුමා මොන වගේ උත්තරයක් දේවිද කියා දැන ගැනීමට මට විශාල කුතුහලයක් ආශාවක් තිබේ.

  • 0
    0

    Thanjs for another informative site. The place else could I am getting that type of information written in such an ideal manner?
    I have a venture that I am simply now operating on, and I’ve been at the look out ffor such information.

  • 2
    0

    Rural mass has become the whipping boy for the royalty. Fact is Ranil failed because of his own stupidity and mediocrity. We are sorry that he is not as sophisticated as Thushara Wanniarachchi likes him to be and we the (rural) people has nothing to do with it.

    To CT editor, why do you publish this kind of divisive rubbish that generalize and dehumanize a particular group of Sri Lankans? why do you apply your liberal thought process selectively only in defense of certain ethnic/religious groups? this too is discrimination, no?

Leave A Comment

Comments should not exceed 300 words. Embedding external links and writing in capital letters are discouraged. Commenting is automatically shut off on articles after 10 days and approval may take up to 24 hours. Please read our Comments Policy for further details. Your email address will not be published.