25 September, 2020

Blog

ශ්‍රී ලංකා කාරයින්ට ආතල් දීමට මහින්දට ඕනෑ නැත

තුෂාර වන්නිආරච්චි –

තුෂාර වන්නිආරච්චි

ජනවාරි 8 සිදුවූ නොසිතූ පරාජයෙන් පසු මහින්ද රාජපක්ෂ ඇතුළු රාජපක්ෂ පවුලේ අය කල්පනා කරනු ලැබුවේ මෙම උභතෝකෝටිකයෙන් ගොඩ යන්නේ කෙසේද කියායි. මන්දයත් ඔවුන් වසර හැත්තෑවක් රට පාලනය කිරීමට සැලසුම් කර තිබූ අතර ඒ වෙනුවෙන් රටේ හැඩතල, ආයතන පද්ධතිය හා නීති රීති ද වෙනස් කරගෙන තිබුණි. තම පක්ෂයේ මහලේකම්වරයා විසින් ම එක්සත් ජාතික පක්ෂ හා එකතුව සිදුකරන ලද එම දැවැන්ත ප්‍රහාරයෙන් සිදුවූ පරාජය රාජපක්ෂ පවුලේ මෙන්ම එම පවුල මත යැපෙමින් දේශපාලනයේ හා මුදල් ඉපයීමේ ජාවාරම් සිදු කිරීමේ යෙදී සිටි කණ්ඩායම් වලට උභතෝකෝටිකයක්ම විය. දින සීයේ ආණ්ඩුව තුළ මහින්ද රාජපක්ෂගේ හා එම පවුලේ ප්‍රමුඛතාවය වූයේ හැකිතාක් ඉක්මනින් ඔවුන් විසින්ම සකස් කරමින් තිබූ වැරදි ක්‍රමවේදයක් නිසාවෙන් ඔවුන් මත පැවරී, පැටලීමට ඉඩ තිබූ දහසකුත් නඩුහබ හා රජයේ පලිගැනීම්වලින් මිදෙන තත්ත්වයකට යොමු වීමයි. ඒ වෙනුවෙන් රාජපක්ෂවරු ඕනෑම වන්දියක් ගෙවීමට එකගවී සිටියේය.

මෙවන් තත්ත්වයක් තුළ එම මහින්ද රාජපක්ෂගේ පරාජයෙන් අතරමංව සිටි උදය ගම්මන්පිල හා විමල් වීරවංශ විසින් ආරම්භ කරන ලද මහින්ද සුළඟ වැඩසටහන මගින් නැවතත් දේශපාලන කරලියට පැමිණි මහින්ද රාජපක්ෂ ප්‍රමුඛ රාජපක්ෂවරු පසුව බැසිල් රාජපක්ෂගේ සංවිධාන හා උපායශීලී හැකියාවෙන් උපරිම ප්‍රයෝජන ගනිමින් නව පක්ෂය නොහොත් පොහොට්ටු පක්ෂය ආරම්භ කළේය. එම පක්ෂය හා සම්බන්ධ වී සිටින සියලුම දෙනා බලාපොරොත්තු වන්නේ හැකි ඉක්මණින් මහින්ද රාජපක්ෂ හා බැසිල් රාජපක්ෂ විසින් රටේ රාජ්‍ය බලය ලබා ගනී යැයි කියාය. රටේ සත්‍ය ආර්ථික තත්ත්වය හා දේශපාලනය පිළිබඳ අවබෝධයක් ඇති රාජපක්ෂවරු විසින් නව රජයක් බිහිකිරීම උදෙසා කිසිදු උනන්දුවක් නොදක්වන බව වර්තමාන දේශපාලන විචාරකයින්ගේ මතයයි. ආණ්ඩු පාලනය ලබා ගැනීමට වඩා ප්‍රමුඛතාවය දියයුතු කාරණා රාශියක් රාජපක්ෂවරු අභියස ගොඩනැගී තිබේ. ඒවායින් ප්‍රධානම ඒවා නම් ඔවුන්ගේ පවුලට විරුද්ධව හා ඔවුන්ගේ කණ්ඩායමට විරුද්ධව බිහිවී ඇති, ගොඩනගා ඇති නඩු හබවලින් ගැලවීමයි. ඔවුන්ගේ කණ්ඩායමට කෙසේ වෙතත් රාජපක්ෂ වරුන්ගේ දරුවන්ට හා රාජපක්ෂවරුන්ට එරෙහිව එල්ලවී ඇති දූෂණ චෝදනා, මුදල් විසුද්ධි කරන චෝදනා, අවලාද චෝදනා හා අනෙකුත් සිවිල් නඩු සියල්ලෙන්ම ගැළවීම ඔහුගේ ප්‍රමුඛතාවයේ ඉහළම පවතින කාරණයයි.

ඒ සඳහා නව රජයක් බිහිකිරීම හා රටේ නීතියේ ආධිපත්‍යය සුරතට ගැනීම ඔවුන්ට ගැළවීමට ඇති එක් විකල්පයක් වුවත් එය ළඟා විය නොහැකි බියකරු අපහසු තීන්දුවක් බව ඒ පිළිබඳව දන්නා ඕනෑම කෙනකු මෙන් දේශපාලන ඔස්තාර් කෙනෙකු වූ මහින්ද රාජපක්ෂටද හොඳින් වැටහේ. එසේම ඒ කෙසේ වුවත් නැවත ශ්‍රී ලංකා නිදහස් පක්ෂයේ ආණ්ඩුවක් ගොඩ නගා මහින්ද රාජපක්ෂගේ ප්‍රධානත්වයෙන් වූ ශ්‍රී ලංකා කාරයින් ශක්තිමත් කිරීමේ අභිලාෂයක් මහින්ද රාජපක්ෂට තිබිය නොහැක. මන්ද පක්ෂය ඔහුගේ නියපොත්ත යටතට ගෙනැවිත් තිබූ ජනවාරි 8 වන දාට පෙර කාලය තුළ වුවද ඔහුට ශ්‍රී ලංකා නිදහස් පක්ෂයේ ආධිපත්‍යය පවත්වා ගත හැකි වූයේ සීමා සහිතවය. එබැවින් අද වැනි දුර්වල අවස්ථාවක ශ්‍රී ලංකා නිදහස් පක්ෂයේ ආධිපත්‍යය ඔහුට පවත්වාගත හැක්කේ ඉතාම අඩුවෙන් බවට තක්සේරුවක් ඔහු තුළ තිබිය යුතුය. මෙවැනි තත්ත්වයක් තුළ ශ්‍රී ලංකා නිදහස් පක්ෂයේ උන්දලාට නැවත ඇමතිකම් අරන් දෙමින් ගොඩදැමීමේ අභිලාෂයක් රාජපක්ෂවරුන්ට නොමැත. ඔවුන්ගේ එකම අරමුණ නාමල් රාජපක්ෂ යටතට එක්සත් ජාතික පක්ෂයට විරුද්ධ බලවේග සියල්ල ගොනු කොට දීමයි.

ඒ සඳහා කිසිදු ඉඩකඩක් චන්ද්‍රිකා බණ්ඩාරනායක කුමාරතුංග සිටින, මෛත්‍රීපාල සිරිසේන සිටින, විජිත් විජිතමුණි සොයිසා සිටින ශ්‍රී ලංකා නිදහස් පක්ෂයකින් නොලැබෙන බව මහින්ද රාජපක්ෂට හොඳින්ම තේරුම් ගොස් තිබේ. එම නිසා මේ මොහොතේ ශ්‍රී ලංකා නිදහස් පක්ෂය හැකිතාක් දුර්වල කිරීම රාජපක්ෂවරුන්ගේ ඒකායන අරමුණයි.

2020 දී මේ රට භාර ගැනීමට කිසිදු අපේක්ෂාවක් රාජපක්ෂවරුන්ට නැත. මන්ද නාමල් රාජපක්ෂ ඒ කාලය වන විටත් යෞවනයකු වන අතර අනිකුත් රාජපක්ෂවරුන්ට නිත්‍යාණුකූල පසුබිමක විවෘත දේශපාලනයේ යෙදීමට රට තුළ අවස්ථාවක් නොමැත. මන්ද 19 වැනි ව්‍යවස්ථා සංශෝධනයෙන් ඇමරිකානු පුරවැසියන්ට ශ්‍රී ලංකාවේ දේශපාලනයේ යෙදීමේ සීමාකම් ඇති කොට තිබේ. මහින්ද රාජපක්ෂට ද නැවතත් රට පාලනය කිරීම සඳහා විශාල බාධක තිබේ. ඒවා වයස සම්බන්ධයෙන්, සෞඛ්‍ය සම්බන්ධයෙන් මෙන්ම රටේ නීතියෙන් තම පවුලට එල්ල වී ඇති තර්ජන සම්බන්ධයෙන්ද අදාළ වේ. මේ තත්ත්වය අනුව රාජපක්ෂවරුන්ගේ ප්‍රමුඛතම අරමුණ වන්නේ 2025 දී එක්සත් ජාතික පක්ෂයේ විරෝධී බලවේග සියල්ල එකතු කොට 2025 දී ඔවුන්ගේ ම ආණ්ඩුවක් ගොඩනැගීමයි. එම ආණ්ඩුවේ ප්‍රධානියා කරවීමට බොහෝ විට ඉඩ ඇත්තේ නාමල් රාජපක්ෂ. එය මහින්ද රාජපක්ෂ විසින් ගොඩනඟන ලද වසර 70 ක් රට පාලනය කිරීමේ සැලැස්මේම කොටසක් වන අතර වෙනසකට ඇත්තේ එම සැලැස්ම වසර දහයක් ඔවුන්ට අහිමි වීමයි. නමුත් රාජපක්ෂවරු අපේක්ෂා කරන පරිදි නාමල් රාජපක්ෂට 2025 දී රටේ පාලනය භාර ගැනීමට ඉඩකඩක් එක්සත් ජාතික පක්ෂයෙන් ලබාදේ යැයි විශ්වාස කළ නොහැකිය. මන්ද දක්ෂ තරුණ දුරදක්නා නායකයින් රාශියක් මේ වන විට එම පක්ෂය තුල ගොඩනැඟී තිබේ.

2025 න් පසුව හෝ නාමල් රාජපක්ෂ ආණ්ඩුවක් ගොඩ නගා ගැනීමට හැකි වනුයේ එක්සත් ජාතික පක්ෂයේ දෙවන හා තුන්වන පෙළ අසාර්ථක වුවහොත්ය. දැන් තිබෙන තත්ත්වය අනුව එම පක්ෂයේ පළමු පෙළට වඩා දෙවන සහ තුන් වෙනි පෙළ සාර්ථකය. ඒ අනුව යූ. ඇන්. පී. විරෝධී බලවේගවලට තමන්ගේ ආණ්ඩුවක් ගොඩනැගීමට අඩුම තරමින් දශක දෙකක්වත් බලා සිටීමට සිදුවනු ඇතැයි මාගේ තක්සේරුවයි.

*ලේඛකයා ජාතික ප්‍රතිපත්ති සහ ආර්ථික කටයුතු අමාත්‍යාංශයේ සම්බන්ධීකරණ ලේකම්වරයෙකි

Print Friendly, PDF & Email

Latest comments

  • 0
    0

    Surangana kathwak .

    • 0
      0

      Den,

      I really dont know why you feel so ? But I only know the masses would say the same.

      It is the media that keep you that dark.

      Please focus on what they have been adding in their printed and other media forums.

      Never they make effort to rewrite that good governance shold be the case.

      Today we see some sort of good governance, unlike it had been prior to Jan 8 2015.

      Had the rabid dogs been reelected, country would have been black listed and the life would have been sunk to the levels in North Korea.

      Rajapakshes were no go to the world, they though are accepted by uneducated masses in the country.

  • 0
    1

    “2020 දී මේ රට භාර ගැනීමට කිසිදු අපේක්ෂාවක් රාජපක්ෂවරුන්ට නැත. මන්ද නාමල් රාජපක්ෂ ඒ කාලය වන විටත් යෞවනයකු වන අතර අනිකුත් රාජපක්ෂවරුන්ට නිත්‍යාණුකූල පසුබිමක විවෘත දේශපාලනයේ යෙදීමට රට තුළ අවස්ථාවක් නොමැත. “

    He ( the hora perakadoruwa) and the rest of the ‘jarapassa ‘ clan will be behind bars or ‘burning in hell’ by then (no hatred involved by this comment but the truth has to be told).

    • 0
      0

      Hedegemonic political powers have always mobilised their forces while being in power. Likewise, Rajapakshes using media men painted the picture only infavour of them. However, this would not work for the rest of life, if MEDIA men stood against.
      Even if the country is run by new leaders today, MEDIA men have not changed their attittude to wake up from long biased nature. Like for example, see, Derana and Hiru and Sirasa have been focusing on few things only, so long people keep away from the gravity of problems Rajapakshes deliberately made – by pawning the country and nation that way is no means forgivable.
      Even today, mEDIA men are no ready to change their attitudes, since they would otherwise be hard up no getting their commercial gains.
      Like for example, those astrologists made people even more blind the days of Rajapakshes, keeping the most abusive man above the altar.
      Of course, uneducated masses would even eat COW DUNG if they woudl be told, that would bring them fortune.
      That is common to any part of the world where their livelyhoods are affected that much. Little over 40% of the country are said to be earning not even 5 dollars a day.
      So you may feel how poor they have been.
      If you focus on the areas where wild elephants destro the cultivations in that part of the country, there you can also get how poor those people have been not having proper shelter … anyways, these were kept hidden by Rajapakshe era, since they did some work only to their men. Those irc men became rich and rallied round to rajapakshes ….. today, even those men run high businesses thanks to Rajapakshes.
      Rajapakshe s illfated nature paved the way IRC men to rise up.
      Basta.

Leave A Comment

Comments should not exceed 200 words. Embedding external links and writing in capital letters are discouraged. Commenting is automatically disabled after 7 days and approval may take up to 24 hours. Please read our Comments Policy for further details. Your email address will not be published.