උවිඳු කුරුකුලසූරිය​ –

උවිඳු කුරුකුලසූරිය​

දැන් එක්සත් රාජධානියෙ කොන්සවටිව්කාරයො – ඒ කියන්නෙ රනිල්ල සජිත්ල නියෝජනය කරන කඳවුර සෝදා පාලු වෙලා ගිහින් ලේබර් පක්‍ෂය බලයට ආවනෙ. කවුද අගමැති උනේ? Keir Starmer. එයාගෙ පසුබිම මොකක්ද​?

‍‍‍‍‍එයාගෙ තාත්ත​ ෆැක්ටරියක ඔය අඬු, මිටි වගේ ආයුධ හදපු කම්කරුවෙක් [toolmaker] අම්මට සදාතනික​ අසනීපයක්, ඇය හිටපු හෙදියක්. ඉංග්‍රීසි ජාතිකයොත් නෙමෙයි. ස්ටාමර් ග්‍රැමර් ස්කූල් එකකට යන්න පාස් උනා. එයා ඉඟෙන ගන්න කොට ඒක ප්‍රයිවට් ඉස්කෝලයක් බවට පත් කළා. ඒත් එයාගෙ දෙමාපියන්ට වත්කමක් නොතිබුණ නිසා ඒ ඉස්කෝලෙන්ම එයාට ශිෂ්‍යත්වයක් දීල තියගත්ත. එයා අවුරුදු 16දි ලේබර් පක්‍ෂයේ තරුණ ලීග් එකේ දේශපාලනය කරනව​. ස්ටාමර්වර්ව ඉස්කෝලේ යන කාලෙ පොලිස් අත්අඩංගුවට පත්වෙනව සල්ලි සොයන්න නීති විරෝධීව අයිස් ක්‍රීම් වික්කට​. ඒත් නඩු දාන්නෙ නැහැ, එයාගෙ අයිස් ක්‍රීම් ටික පොලිසිය තියාගෙන එයාව ඇරිය​. ස්ටාමර්වර් ඉඟෙන ගත්තෙ ගණිතය​, සංගීතය සහ භෞතික විද්‍යාව ලංකාවෙ විදියට කියනව නම් උසස් පෙළට​. [මෙහෙ එහෙම විෂයයන් කොම්බො කරන්න පුලුවන්, අනුරලත් එහෙම කරනව අධ්‍යාපන ප්‍රතිසංස්කරණයෙදි, මම ඒක දන්නව​]

කොහොම හරි ස්ටාමර් ඔක්ස්ෆඩ් ගිහින් ලෝයර් කෙනෙක් ආදී වශයෙන් වෙනව​. පස්සෙ ලේබර් පක්‍ෂයේ නායකය වෙලා නව චින්තනයක් ඉදිරිපත් කරල​ අනිත් උන් සෝදාපාලු වෙන ජයග්‍රණය මාස කීපයකට ඉස්සෙල්ල ගත්ත​.

අනුරත් මිණින්දෝරු කම්කරුවෙක්ගෙ සහ ගෙවිලියක්ගෙ පුතෙක්. අනුරත් ගමේ ඉස්කෝලෙන් – එංගලන්තෙ ග්‍රැමර් ස්කූල් කියන සංකල්පය අනුව ලංකාවෙ කන්නන්ගර​ හැදුව මහ ඉස්කෝලේකට ගියා. එයත් කෝච්චියෙ ටොපි අරව මේව වික්ක සල්ලි සොයාගන්න​. එයත් භෞතික විද්‍යාව, ගණිතය ඉඟෙන ගත්තෙ [සංගීතය නැහැ හැබැයි, ඒව ලංකාවෙ බැහැනෙ] එයත් ටීනේජ් කාලේ ජවිපෙ දේශපාලනය කළා. එයත් ලංකාවෙ හොඳම විශ්ව විද්‍යාලය වෙච්ච පේරාදෙණියට ගියා [මාස කීපයකින් එයා කැලනියට මාරුවක් ගත්ත​]

එයත් සෙමින් සෙමින් ජවිපෙ නායකය උනා. එයා ඒ පක්‍ෂය වෙනස් කළා. පරණ හනමිටි අදහස් වලින් ඒ පක්‍ෂය වෙනස් කළා.

මම මේ ටික කිව්වෙ දුප්පත් මිනිස්සුන් ට රට පාලනය කරන්න බැහැ කියන එකට ප්‍රතිචාරයක් විදියට​. දුප්පත් මිනිස්සුන්ට නෙමෙයි රට පාලනය කරන්න බැරි හීනමානකාරයින්ට​.

හරියට රණසිංහ ප්‍රේමදාස වගේ. එයා දුප්පත් පසුබිමකින් ආව කෙනෙක්. ඉතාම පොඩි මට්ටමේ ඉඳල දේශපාලනය පටන් අරං ජනාධිපතිකමට ආව කෙනෙක්. ඒත් අන්තිමට මොකද කළේ, තාත්තගෙ අම්මගෙ පරණ ෆොටෝවලට නැමි පණා ගස්සල – ඒ කාලෙ ෆොටෝශොප් නැහැ – ආර්ටිස්ට්ල ලව්ව ඒව කරවල​, අමුතු – නැති ගාම්භීරත්වයක් හදාගන්න ගිය එක​. “බ්‍රැඩ්මන් වීරාකෝන් නොකී දේ” කියන පොත කියවන්න සජිත්ගෙ හීනමානය එතනින් එන්නෙ. සජිත් නැති උපාධිනෙ කියන්නෙ, එංගලන්තෙ එවල උඟන්වලත් – ලෝකෙ හොඳම විශ්ව විද්‍යාලයකට දාල සල්ලි ගෙවල​, [හොරකම් කරපු හෝ කාගේ හෝ සල්ලිවලින් හෝ] ඒත් ඉඟෙන ගත්තෙ නැහැනෙ. ඒත් බොරු සුදුසුකම් කියනව​.

මම මීට වඩා මොකුත් නොකියමි.