21 September, 2020

Blog

රාජිත, ඔබේ බල්ලව ගැටගහන්න ! – ශ්‍රී ලංකා විශේෂඥ වෛද්‍යවරුන්ගේ සංගමය සහ ජ’පුර වෛද්‍යවරු කියති 

චින්තිකා ද සිල්වා

ශ්‍රී ජයවර්ධනපුර මහා රෝහලේ ව්‍යාජ අධ්‍යක්ෂකගේ ව්‍යාජ පත්වීමට දිගින් දිගටම අහියෝග කරන රෝහල් මණ්ඩලයේ සාමාජිකයන් වන විශේෂඥ වෛද්‍යවරුන් තිදෙනා නීති විරෝධී ලෙස පලවා හැරීමට සභාපති වෛද්‍ය අතුල කහඳලියනගේ සහ ව්‍යාජ අධ්‍යක්ෂ සුසිත සේනාරත්න ගත් තැත ව්‍යර්ථ වීම පිළිබඳව කලම්බු ටෙලිග්‍රාෆ් වාර්තා කරන ලදී. උක්ත රැස්වීමෙන් සභාපති, ව්‍යාජ අධ්‍යක්ෂක සහ වැඩ බලන නියෝජ්‍ය අධ්‍යක්ෂකව විශේෂඥ වෛද්‍යවරුන් බහුතරය විසින් ලජ්ජා සහගත ලෙස පලවා හැරීමෙන් පසු ප්‍රකෝපයට පත් සුසිත සේනාරත්න සිහි විකල් වූ ලෙස හැසිරෙන බව කලම්බු ටෙලිග්‍රාෆ් වෙත​ වාර්තා වෙයි. 

සුසිත සේනාරත්න හා ඔහුගේ බිරිඳ ඇමති රාජිත සේනාරත්න සමඟ​

මෙම ලජ්ජා සහගත සිදු වීමෙන් පසු දෙදිනක් යන තුරු රාජකාරී වෙලාවේදී සුසිත සේනාරත්න පෙනෙන්නට නොසිටි අතර ඔහු සහ කහඳලියනගේ සෞඛ්‍ය අමාත්‍ය රාජිත සේනාරතනගේ කාර්යාලය අසල පුරා දෙදිනක් ගැවසෙමින් ඉහත අවංක විශේෂඥ වෛද්‍යවරුන් තිදෙනා වන කණිෂ්ක ඉන්ද්‍රරාත්න, මාධව කරුණාරත්න සහ ප්‍රභාත් අඹවත්තව රෝහල් මණ්ඩලයෙන් පලවා හරින බව කියවෙන ලිපියක් නිකුත් කරන ලෙසට රාජිත සේනාරත්නට ඇවටිලි කරමින් සිටි බව වාර්තා වෙයි. 

සුසිත සේනාරත්න යනු රජයේ මහා රෝහලක් සහ පශ්චාත් උපාධි පුහුණු ආයතනයක අධ්‍යක්ෂක ධූරය දැරීමට කිසිදු පශ්චාත් උපාධි පුහුණුවක් හෝ වෘත්තීය සුදුසුකමක් නැති රාජිත සේනාරත්නගේ දේශපාලන ගැත්තෙකි. පත් වීමේ ලිපියකුදු නොමැතිව නීති විරෝධී ලෙස ජ’පුර අධ්‍යක්ෂක කාර්යාලය 2015 වසරේ සිට දාමරිකත්වයෙන් අත් පත් කර ගෙන සිටින මොහු ගේ පැවැත්ම ආරක්ෂා කරනුයේ කහඳලියනගේ විසිනි. මීට පෙර සුසිත සේනාරත්න රිජ්වේ ආර්යා ළමා රෝහලේ සාමාන්‍ය වෛද්‍ය නිලධාරියකු ලෙස කයුතු කළ අතර මාලඹේ ප්‍රදේශයේ පෞද්ගලික චැනල් සේවයක් පවත්වා ගෙන ගිය අයෙකි. 

ව්‍යාජ අධක්ෂක ගේ විකල් වුනු සිහිය 

නීති විරෝධී ලෙස විශේෂඥ වෛද්‍ය වරුන් තිදෙනා පලවා හැරීමේ අවසාන උත්සාහය අසාර්ථක වීමෙන් පසුව ව්‍යාජ අධ්‍යක්ෂක සුසිත සේනාරත්න සිය පෞද්ගලික ෆේස්බුක් ගිණුම හරහා සටහනක් තබමින් ප්‍රකාශ කර ඇත්තේ “ශ්‍රී ජයවර්ධනපුර රෝහලේ දරුවන්ගේ ජීවිත අනතුරෙහි” බවය. තවද සේනාරත්නේ නීති විරෝධී පත් වීමට සහ කහඳලියන්ගේ යටතේ රෝහලේ සිදු වන මූල්‍ය වංචා වලට දිගින් දිගටම අභියෝග කරන ළමා රෝග විශේෂඥ වෛද්‍ය රොහාන් ඇලෝෂියස් පිළිබඳව​ සුසිත සේනාරත්න ෆේස්බුක් ගිනුමෙහි සටහන තබා ඇත. 

සුසිත සේනාරත්න තමා (ව්‍යාජ) අධ්‍යක්ෂක ධූරය දරන රෝහලම රෝගීන් සඳහා සුරක්ෂිත තැනක් නොවන බව පැවසීමෙන් සහ භාෂාව භාවිත කර ඇති පීඩාකාරී සහ නිතී විරෝධී ආකාරය රටෙහි නීතිය, වෛද්‍ය සදාචාරය සහ රෝහල් පනත උල්ලංඝනය කිරීමකි. 

විශේෂඥ වෛද්‍යවරයෙකුට අනියම් මරණ තර්ජන එල්ල කිරීම 

ව්‍යාජ අධ්‍යක්ෂක සුසිත සේනාරත්න විසින් ජ’පුර රෝහලේ ප්‍රතිකාර ලබන දරුවන්ගේ ජීවිත අනතුරේ බවට කියවෙන ෆේස්බුක් සටහනෙහි වෛද්‍ය ඇලෝෂියස් ඌරෙකු ලෙසට හඳුන්වා දෙයි. මනුෂ්‍යයෙකුට හා වෘත්තිකයකුට නිගරු කරන පොදු අපහාසයකි. තවද මෙවැනි ක්‍රියාවන් රජයේ මහ රෝග්‍යශාලාවක අධ්‍යක්ෂක වරයෙකු ලෙස කටයුතු කරන මෙම පුද්ගලයාගේ මානසික සමබරතාවය සහ පරිණතභාවය ප්‍රශ්නයට ලක් කරයි. සෞඛය  අමාත්‍යංශයේ ජ්‍යෙෂ්ඨ පරිපාලකයකු මේ පිළිබඳව කලම්බු ටෙලිග්‍රාෆ් වෙත අදහස් දක්වමින් ප්‍රකාශ කළේ “තනතුරක් දැරීමට සුදුසුකමක් හෝ පරිණත බවක් නැති අය තනතුරු වල පිහිටුවීමේ භයානක කම මෙයින් පෙනෙනවා. රජයේ මහා රෝහලක සහ පශ්චාත් උපාධි පුහුණු ආයතනයක අධ්‍යක්ෂක වීමට සුසිත සේනාරත්නට මානසික ශක්‍යතාවයක් නැහැ. පීඩනය හමුවේ මොහු සිහි විකල් ආකාරයට හැසිරෙනවා. ඊට හේතුව ලෙස මා දකින්නේ මොහුට එල්ලී බේරෙන්නට කිසිදු සුදුසුකමක් නැති වීමයි”. 

පහත උපුටා දැක්වෙන සුසිත සේනාරත්නගේ ෆේස්බුක් පිටුවේ අදහස් තුල අනියම් මරණ තර්ජන, ශරීර අවයව කපා දැමීම, මනුෂ්‍ය අභිමානයට නිග්‍රහ කිරීම වැනි විවිධ අදහස් සටහන් වී ඇත.

පුර විශේෂඥ වෛද්‍යවරුන්ගේ සහ කාර්ය මණ්ඩලයේ දැඩි විරෝධය 

ඉහත ෆේස්බුක් සටහන සුසිත සේනාරත්න විසින් පල කිරීමත් සමගම ජ’පුර රෝහලේ විශේෂඥ වෛද්‍යවරුන් රැසක් සිය දැඩි විරෝධය කහඳලියන්ගේ වෙත පල කර ඇති අතර මෙම ක්‍රියාව රටෙහි පොදු නීතිය, වෛද්‍ය ප්‍රඥප්තිය සහ රෝහල් පනත උල්ලංඝනයක් බව මොවුන් විසින් දැඩිව පෙන්වා දී ඇත. ඒ කෙසේ වුවද මෙම කාලය පුරාවටම කහඳලියනගේගේ දුරකතන ඇමතුම්වලට​ සුසිත සේනාරත්න ප්‍රතිචාර දක්වා නැත. තවද මෙම කාලය පුරාවටම සිය රාජකාරියට සේනාරත්න වාර්තා කර ද නැත. තවද රෝහලේ සියලුම ශ්‍රේණිවල​ කාර්ය මණ්ඩලය මෙම ක්‍රියාව හෙලා දකිමින් වහාම විනය පරීක්ෂණයක් සිදු කරන ලෙස ඉල්ලා විනය බලධරයා වන සභාපති වෙත ලිපියක් නිකුත් කර ඇත. 

සෞඛ්‍ය අමාත්‍යංශයේ ප්‍රතිචාරය 

රාජිත සේනාරත්න අමාත්‍ය වරයාගේ කාර්යාලය ඉහත ෆේස්බුක් සටහන් නිරීක්ෂණය කර ඇති අතර එය ඉවත් කරවා ගැනීමට සුසිත සේනාරත්නව දුරකතනයෙන් සම්බන්ධ කර ගැනීමට ගත් උත්සාහය ව්‍යාර්ථ වී ඇත. කලම්බු ටෙලිග්‍රාෆ් වෙත විශ්වාසනීය ලෙස වාර්තා වන අන්දමට රාජිත සේනාරත්නගේ මහජන සම්බන්ධතා නිලධාරියා වන වෛද්‍ය උපුල් ගුණසේකර මෙය කිරීමට උත්සාහ ගත්තද සුසිත සේනාරත්න ඔහුගේ ඇමතුමටද ප්‍රතිචාර දක්වා නැත. උපුල් ගුණසේකර සුසිත සේනාරත්නගේ සමීපතමකි. සුසිත සේනාරත්න සිය රථය “සිහිමද” ගතියෙන් පදවා යමින් රෝහලේ තාප්පයක් කඩාගෙන ගිය අවස්ථාවේ එය රෝගී තත්ත්වයක් හේතුවෙන් සිදු වූ බවට සනාත කිරීමට රාජිත සේනාරත්න විසින් සුසිත සේනාරත්නව සිංගප්පූරුවට “වෛද්‍ය පරීක්ෂණ” සඳහා යැවූ විට ඔහු සමග සහයට විදේශ ගත වුයේ උපුල් ගුණසේකරය.

නුසුදුස්සෙකුගේ හීනමානය 

රෝහල තුල බල පැවැත්වෙන දැඩි දේශපාලනීකරණය හේතුවෙන් නිර්නාමිකව අදහස් දැකවූ ජ’පුර විශේෂඥ වෛද්‍ය වරයකු පැවසුවේ “ජ’පුර රෝහල් ඉතිහාසයේ ප්‍රථම වරට තමා එහි අධක්ෂක යයි කියා ගන්නා පුද්ගලයෙක් තමාගේම රෝහල එහි ප්‍රතිකාර ලබන දරුවන්ට අනාරක්ෂිත බව ප්‍රසිද්ධියේ පවසනවා. මෙසේ කීමට සුසිත සේනාරත්නට ඇති සුදුසුකම හෝ දත්ත මොනවාද? තවද රෝහල් ඉතිහාසයේ ප්‍රථම වරට සභාපතිවරයාට දුරකතනයෙන් හෝ සම්බන්ධ කර ගත නොහැකි අධ්‍යක්ෂක වරයෙක් සිටිනවා. සුසිත සේනාරත්න කොහෙවත් සොයාගන්නට නැහැ. ෆේස්බුක් එකේ නම් ඉන්නවා. 2015 සිට සිටි සහ සිටින  සියලුම සෞඛ්‍ය අමාත්‍යංශ ලේකම් වරුන්, අතුල කහඳලියනගේ නමැති දූෂිත රෝහල් සභාපති ඇතුළු දූෂිත අධ්‍යක්ෂක මණ්ඩල සාමාජිකයින් සහ රාජිත සේනාරත්න මෙවැනි වටිනා ආයතනයක් එක දේශපාලන ගැත්තෙකු වෙනුවෙන් විනාශ කර දැමීමට වග කිව යුතුයි. සුසිත සේනාරත්න වැනි ගැත්තෙකුට වෛද්‍යවරයෙකු තම වෘත්තීය ජීවිත අධ්‍යාපනය තුළින් ගොඩනගා ගැනීම තේරුම් ගන්නට බැහැ. ඔහු රාජිත සේනාරත්නගේ මෙහෙකරුවකු පමණයි. ඔහු විශේෂඥ වෛද්‍යවරුන්ට මෙසේ අපහාස කරන්නේ ඔහුගේ නූගත් කම සහ හීනමානය නිසයි “

ශ්‍රී ලංකා විශේෂඥ වෛද්‍යවරුන්ගේ සංගමයේ දැඩි විරෝධය 

විශේෂඥ වෛද්‍ය වරයකුට පශ්චාත් උපාධි පුහුණු ආයතනයක් තුළ සිදු කරන ලද මෙම නීති විරෝධී සහ සදාචාර විරෝධී ක්‍රියාව පිළිබඳව විරෝධය එහි සභාපති විශේෂඥ වෛද්‍ය සුනිල් විජයසිංහ විසින් රාජිත සේනාරත්න අමාත්‍යවරයා වෙත ලිඛිතව දන්වා යැවූ බව එම සංගමය විසින් කලම්බු ටෙලිග්‍රාෆ් වෙත දැනුම් දී ඇත.

මේ අතර අද දින (22.10.2018) ජ’පුර රෝහලේ විශේෂඥ වෛද්‍යවරුන් බහුතරය විසින් රෝහල් සභාපති අතුල කහඳලියනගේ කෙරෙහි විශ්වාස භංගය පල කරන ලිපියක් අමාත්‍යවරයා වෙත භාර දී ඇත. වසර තුනකට අධික කාලයක් රටේ පොදු නීතිය, වෛද්‍ය සදාචාරය, පරිපාලන නීති රීති, රෝහල් පනත සහ සාමාන්‍ය සදාචාරය උල්ලංඝනය කරමින් ඇමතිවරයාගේ ගැත්තෙකු රැකීම තුලින් රෝහලට සිදු කල හානිය හේතුවෙන් මෙම විශ්වාසභංගය ඉදිරිපත් කර ඇත. මෙහි පිටපත් සෞඛ්‍ය අමාත්‍යාශ ලේකම්වරියට සහ ඇමතිවරයාගේ පෞද්ගලික ලේකම්වරියට පිටපත් සහිතව යොමු කර ඇත. 

Print Friendly, PDF & Email

Latest comments

  • 0
    0

    duppathunge salliwalin NOMILE IGANA GEANA,rajayen padi dahas laksa gananin ganna waradana ganna, wedakama weldamak karagena ethi GMOA minisun alla benda dama thaamage rassawa hariyata karapan kiyana aaanduwak bihiwewaaaaaaaaaaaaaaaaaa

  • 0
    0

    duppathunge salliwalin NOMILE IGANA GEANA,rajayen padi dahas laksa gananin ganna waradana ganna, wedakama weldamak karagena ethi GMOA minisun alla benda dama thaamage rassawa hariyata karapan kiyana aaanduwak bihiwewaaaaaaaaaaaaaaaaaa

Leave A Comment

Comments should not exceed 200 words. Embedding external links and writing in capital letters are discouraged. Commenting is automatically disabled after 7 days and approval may take up to 24 hours. Please read our Comments Policy for further details. Your email address will not be published.