24 September, 2020

Blog

සුනිල් රත්නායකට දුන් විශේෂ ජනාධිපති සමාව ඉල්ලා අස්කර ගන්න – සහජීවනය සඳහා යාපනය මහජන සංසදය

සහජීවනය සඳහා යාපනය මහජන සංසදය –

2000 දෙසැම්බර් 19 වන දින යාපනයේ මිරුසුවිල්හිදී පස් හැවිරිදි දරුවෙකු ඇතුළු දෙමළ සිවිල් වැසියන් අට දෙනෙකු ඝාතනය කිරීමේ චෝදනාවට වරදකරු වන හිටපු හමුදා මාණ්ඩලික සැරයන්වරයෙකු වන සුනිල් රත්නායක මහතාට ලබා දුන් විශේෂ ජනාධිපති සමාව ඉල්ලා අස්කර ගන්නා ලෙස සහජීවනය සඳහා වූ යාපනය මහජන සංසදය ඉල්ලා සිටියි. 2015දී නඩු විභාගයකින් වරදකරු වීමෙන් 2019දී ශ්‍රේෂ්ඨාධිකරණය විසින්ද එම තීරණය තහවුරු කරන ලදී. සන්නද්ධ ගැටුම පටන් යුද්ධයේ බිහිසුණු අවසානය තෙක් විවිධ අවස්ථාවන්හිදී බරපතල මානව හිමිකම් උල්ලංඝනය කිරීම් සම්බන්ධයෙන් ශ්‍රී ලංකා හමුදාවන් වගකිව යුතු ය. යුද්ධයේදී දෙමළ සිවිල් වැසියන්ගේ උල්ලංඝනය වූ මානව හිමිකම් කෙරෙහි ශ්‍රී ලංකාවේ අධිකරණ පද්ධතියෙන් බොහෝ දුරට සාධාරණය ඉටු වී නොමැත. හමුදාවන්ට එරෙහිව චූදිතයින් ලෙස අවස්ථා කිහිපයකදී පමණක් නඩු පවරා ඇති අතර, එයින් එක් හෝ දෙකකදී පමණක් ඔවුන් වරදකරුවන් බවට පත්වීමෙන් පැහැදිලි වන්නේ අධිකරණ පද්ධතියේ ව්‍යුහාත්මක ජනවාර්ගික පක්ෂග්‍රාහීත්වය හා ත්‍රිවිධ හමුදාව විසින් අසාධාරණ ලෙස සිදුකරන ලද අපරාධ සම්බන්ධයෙන් ශ්‍රී ලංකා රජය දක්වන ඉවසීම සහ උදාසීන ප්‍රතිචාරයයි.

ශ්‍රී ලංකාවේ මෑත ඉතිහාසයේ අවම වශයෙන් එක් වරක්වත් රටේ අධිකරණ පද්ධතිය රජය විසින් ඇති කරන ලද බෙදුම්වාදී ජනවාර්ගික දේශපාලනයට වඩා ඉහළ යා හැකි බව දනවන තීන්දුවක් ජනාධිපති සමාව මගින් අවලංගු කර ඇත. අධිකරණය අතිරික්ත හා අකාර්.යක්ෂම කාර්යභාරයක් බවට පත් කරමින්, මෙම ජනාධිපති සමාව අනාගත දරුණු අපරාධ සඳහා භයානක උත්ප්‍රේරකයක් ලෙස ක්‍රියා කළ හැකිය. ශ්‍රී ලංකාව සහ සෙසු ලෝකය මාරාන්තික වසංගතයක් හා බරපතල මානුෂීය අරබුදයකට මුහුණ දීමට උත්සාහ කරන අතර හදිසි තත්වයක මුවාවෙන් සමාව නිකුත් කර තිබීම ගැන අපි අතිශයින් කම්පාවට පත් වෙමු. වසංගතය නිසා ඇති වන අවහිරතාවයෙන් වාසි ලබා ගැනීමට සහ ඔවුන්ගේ පටු දේශපාලන අරමුණු සාක්ෂාත් කර ගැනීම සඳහා මෙම සමාව රජය විසින් උපක්‍රමශීලී ලෙස භාවිතා කිරීම ඇතුළු වෙනත් කුරිරු උත්සාහයන් හෙළා දැකීම සඳහා සහජීවනය සඳහා වූ යාපනය මහජන සංසදය වෙනත් කණ්ඩායම් හා පුද්ගලයින් සමඟ එක් වෙයි.

රත්නායක මහතාට සමාව දීමට ගත් මෙම තීරණය තුලින් යළිත් සනාථ කරනුයේ, රජය තම ත්‍රිවිධ හමුදාව නීතියේ ආධිපත්‍යයට වඩා ඉහළින් පවතින ආයතනයක් ලෙස සලකන බවයි. ඒ හෙයින් ද්‍රවිඩයන්, අනෙකුත් සුළුතර ප්‍රජාවන් සහ රටේ ආන්තිකකරණයට ලක් වූ කොටස්වලට ප්‍රාදේශීය දේශපාලන හා අධිකරණ උපකරණ කෙරෙහි එතරම් විශ්වාසයක් නැත්තේ මන්දැයි එය නැවත වරක් පැහැදිලි කරයි. අධිකරණ පද්ධතිය විසින් ගනු ලබන තීරණයකට ජනාධිපතිවරයාම විරුද්ධ වන්නේ නම් පුරවැසියන් වශයෙන් අපගේ ආරක්ෂාව සඳහා අප යොමු විය යුත්තේ කාටද? ජනාධිපතිගේ එක් පෑන් පහරකින් රටේ අධිකරණය විසින් තීන්දු කරන ලද සාධාරණ තීන්දුවක් අවලංගු කළ හැකි නම්, සුළුතර ප්‍රජාවන්ට සහ අපේ සමාජයේ මායිම්වල සිටින අයට සාධාරණය ඉටු කළ හැක්කේ කොතැනින්ද? මේ ආකාරයේ තීරණ රටේ අභ්‍යන්තර බෙදීම් තවදුරටත් වර්.ධනය කරන අතර ජනවාර්ගික සංහිඳියාව සහ ප්‍රජාවන්ගේ සහජීවනය සඳහා ඇති අවකාශය සීමා කරයි.

හමුදාවේ මැදිහත්වීමෙන් ජේවීපී කැරැල්ල අවසන් කළ අමානුෂික ආකාරය හා 2013 දී රාතුපස්වල දී පානීය ජලය ඉල්ලූ සිංහල විරෝධතාකරුවන් ඝාතනය කිරීම ආදී සිදුවීම් පෙන්නුම් කරනුයේ ආර්ථික වශයෙන් ආන්තික හා පීඩිත කොටස්වල විරෝධතා හා අරගල මර්දනය කිරීමට ශ්‍රී ලංකා රජය විසින් හමුදාව භාවිතා කර ඇති බවයි. මෙම සිදුවීම්වල වින්දිතයින්ට මේ දක්වා රාජ්‍යයෙන් කිසිදු සාධාරණයක් ඉටු වී නොමැත. ශ්‍රී ලංකාව තුළ හමුදාව භුක්ති විඳින දඩුවම් නොලැබීම මෙම දිවයිනේ වෙසෙන සියලුම ප්‍රජාවන්ට අහිතකර ය. එබැවින් රත්නායක මහතාට ලබා දුන් ජනාධිපති සමාව හෙළා දැකීමට දිවයිනේ සියලුම ප්‍රජාවන් එකට එක්වීම අත්‍යවශ්‍ය වේ.

සහජීවනය සඳහා වූ යාපනය මහජන සංසදය මේ රටේ ජනතාවගෙන්, නීති වෘත්තියේ සාමාජිකයින්ගෙන් සහ ප්‍රජාතන්ත්‍රවාදය, අවිහිංසාව සහ සහජීවනය අගය කරන කණ්ඩායම්වලින් ඉල්ලා සිටින්නේ මෙම ජනාධිපති සමාවට එරෙහිව ස්ථිර පැහැදිලි ස්ථාවරයක් ගන්නා ලෙසය. එමෙන්ම රටේ අධිකරණ පද්ධතිය විසින් ඇති කර ඇති විශ්වාසය තහවුරු කරන ලෙසත් අනාගතයේ දී ප්‍රජාතන්ත්‍රවාදය සහ යුක්තිය අඩපණ කරන මෙවැනි තීරණ ගැනීමෙන් වළකින ලෙසත් ලෙස ජනාධිපතිවරයාගෙන් ඉල්ලා සිටින බවට අපි ඔවුන්ගෙන් ඉල්ලා සිටිමු.

Print Friendly, PDF & Email

Latest comments

  • 0
    0

    Kithsiri Udawatta
    Kithsiri Udawatta
    vor 1 Woche (bearbeitet)
    https://www.youtube.com/watch?v=-xNQoGBFC_o
    මහින්දට සුනාමිය ආවේය ,ගෝටාභයට කොරෝනා ආවේය .මහින්දට සහනාධාර ලැබුණි ,ගෝටාට ඩොලර් මිලියන 400 ක නයක් ලැබුණි .මෙවරද මුදල් හැසිරව්මට ඇමරිකාවෙන් විෂ්මකර්ම පැමිණ සිටී .ඔහුට 10%කියා මිනිසුන් කියති .පාර්ලිමේන්තුව නොකැදවා මේ තිදෙනාට රිසිපරිදි වැඩ පෙන්විය හැකිය .මහින්දට දේසපාලනයද ,ගෝටාට පරිපාලනයද ,බැසිල්ට මුදල් පාලනයද කලහැකිය .පාර්ලිමේන්තු කැදවා මුදල් නාස්ති කරන්නේ කුමකටද ? වහලුන් මේ මැජික් දෙස විස්මිතව බලා සිටී .රතු මහත්වරුන්ද අඩුපාඩු සොයමින් හැකි පමණින් මිනිසුන්ට උදව් කරමින් සිටී .මේ අතර පුතානෝ බෙහෙත් සොයයි .Mr .ඩර්ටි ක්ලීන් උපදෙස් දෙමින් සිටී .මෙලෝ හසරක් නොදන්නා උන් බකන් නිලා සිටී . වෙද දෙවිවරුන් /නිලයන් දිවි නොතකා වැඩකරන අතර ,හමුදාවන් සහ පොලිස් මහතුන් තම රාජකාරිය අකුරට ඉටුකරමින් සිටී .මොවුන් අකර්මන්‍ය නොකර උදව් කරන්නත් උන් රැකබලා ගන්නත් පරිපාලනය වගබලා ගත යුතුය .විශ්මිත කෙරුවාවල් 2025 දී බලාගත හැකිය එවිට විශ්වකර්ම අස්වයා ඇමරිකාවට පැනගොස්ය වහලුනි එතෙක් ඉවසන්න .
    52

    • 0
      0

      In the meantime, Udwatta is on dole in the west and has lot of time in his hand also free wifi, posting BS. Yes, we are suffering, but will not live on dole, Gota is better than all of the above.

    • 0
      0

      මෙය ප්‍රබල හා අද්විතීය වීඩියෝ පටයකි.
      https://www.youtube.com/watch?v=AvsZI2818BU
      ජාතීන් නොමඟ යැවීම සඳහා දේශපාලන හෙංචයියන්ට මිනිසුන් ඉඩ නොදෙන්නේ මන්ද යන්න පිළිබඳව වීඩියෝවල කථිකයා ප්‍රමාණවත් සාක්ෂි සපයයි. මම ඔහුගේ වීඩියෝ නැවත නැවතත් නරඹමි. ඔහුට එය ප්‍රකාශ කිරීමට බියක් නැත. ඔහු නැවත නැවතත් අවධාරණය කරන්නේ මේ රටේ සාමාන්‍ය මානසිකත්වය ඔවුන්ව නොමඟ යැවීමට පහසුවෙන්ම ඉඩ දෙන බවයි. ඔවුන්ගේ ජාන විද්‍යාවේ ඔවුන් සතුව ඇති බව. කුරිරු හා නපුරු දේශපාලන ic යින්ගේ නොමඟ යවන යාන්ත්‍රණයන්ගෙන් ඔවුන් දිගටම හසු වේ. නපුරුකම සහ අවදානමට ලක්විය හැකි ජනතාව නොදැන සිටීම අපරාධකරුවන් සහ අවස්ථාවාදීන් විසින් ඉලක්ක කරනු ලැබේ. මගේ ගැටලුව වන්නේ මිනිසුන් නැවත නැවතත් අපයෝජනයට ඉඩ දෙන්නේ මන්ද යන්නයි. මාධ්‍ය මාෆියා මිනිසුන් මඩ සහිත ජලයේ මසුන් අල්ලති. ඔවුන් අවධානය යොමු කරන්නේ ඔවුන්ගේ වාණිජමය වාසි පමණි. කිසිවෙකුට බලහත්කාරයෙන් හානිකර ප්‍රතිවිපාක ලැබීම ගැන ඔවුන් තැකීමක් නොකරයි.
      මට හැඟෙන්නේ, මේ රටේ ජනතාව මෙතරම් කාලයක් ප්‍රජාතන්ත්‍රවාදී අයිතිවාසිකම් භුක්ති වින්දා වුවද, අද ඔවුන් දුෂ්ට බලවේගයන්ගේ වහලුන් බවට පත්ව ඇති බවයි.

Leave A Comment

Comments should not exceed 200 words. Embedding external links and writing in capital letters are discouraged. Commenting is automatically disabled after 7 days and approval may take up to 24 hours. Please read our Comments Policy for further details. Your email address will not be published.